2007-11-27, 11:55 PM
إصلاح Made in بلاد بره ... وتقفيل مصري
احب ابتدي هذه المشاركة على طريقة الفنان القدير " محمود المليجي " فى فيلمه الشهير الارض
" عشان كنا رجاله ووقفنا وقفه رجاله "
يصر الكثيرون على أنه اذا لم نكن " رجاله " وقادرين على ان نصنع تغييرا حقيقيا فى مصر من الداخل وأنه اذا لم يكن الإصلاح Made In Egypt فبلاها إصلاح وبلاها تغيير ويبقى الوضع على ماهو عليه وعلي المتضرر ان يخبط رأسه فى اجدعها حيط فى البــــلد
وهو واسمحوا لي - منطق غريب جدااااا-
اولا تعالوا نلعب لعبة :
لو كنت تمتلك موبايل - تليفون محمول - أو جهاز كمبيوتر
افتح الموبايل أو الكمبيوتر حاول أن تفكك الجهاز إلي أكثر من قطعه
الآن وقد تحول الجهاز اكثر من قطعه امسك هذه القطع وتعرف على اسم البلد المنتج لهذه القطع
ستجد جهازك المحمول أو جهاز الكمبيوتر - ملك سيادتكم - عباره عن
" أمم متحدة "
هذه القطعه صنع فى فنلندا واخري صنع فى المجر وثالثه فى المجر والمحصلة النهائية تليفون محمول معتبر
وفى الكمبيوتر ذات الامر قطعه صنعت فى ماليزيا واخري فى اندونيسيا واخري فى الصين " هتقولوا بردو هقولكم ماهي الصين حاطه مناخيرها فى كل حاجه " والمحصلة النهائية جهاز كمبيوتر محترم
وجميعنا نستخدم هذا الجهاز أو ذاك الجهاز ........
" حد بقى خرج علينا فى يوم وزعق زي الغول وقال طالما احنا ماوقفناش وقفه رجاله ومقدرناش نصنع لا موبايلات ولا كمبيوترات بإيدينا ........... يبقى لا للمحمول ولا للكمبيوتر
لا للعملاء الخونه المرتزقة "؟؟؟؟؟؟؟؟؟؟؟؟؟؟؟؟
بالعكس دول بيفرجوها لأصحابهم وده يقول انت عندك اغنية " الطشط قالى " والتاني يقولة لا انا عندي " يا خارجه من باب الحمام " وهكذا .........
وكلنا هذا الشخص
فين بقى الحج اللى هيطلع يزعق ده ؟
لسه ما اتولدش ولا ايه ؟؟
انتظرونا فى شوية لماضة
كانت معكم مراسلتكم Angel of light 
برنامج شوية لماضة 
قناة الرخامه على البلد اتمني ان تنول مشاركتي اعجابكم ورضاكم
السلام عليكم ورحمه الله وبركاته