مشكلة لوجو المنتديات ، التوسيط ، طول عنوان المواضيع

[darkangel4u]

السلام عليكم ورحمة الله وبركاته

أنا عارف أني خنقت مشرفين وأعضاء الموقع بمشاكلي وبالذات مستر بيبو .. بس وعد مني أول لما وضع المنتديات بتاعي يستقر أني هدخل هنا وأشارك في المنتديات بدل المشاكل اللي أنا كل شوية أحط فيها هنا ..

عندي مشاكل كتيرة هقولها بالتوالي ::

أول مشكلة هي في اللوجو الخاص بالمنتديات أنا عايز أغير اللوجو اللي موجود في المنتديات فوق وفي الواقع أنا عايز أضيف مستطيل بعرض الصفحه فوق يشمل تغيير لوجو المنتدى والفراغ اللي بلون الابيض اللي على الجهة اليسرى ... وياريت لو أعرف أزاي أضيف كود html في المنطقة دي .

تاني مشكلة هي عناوين المواضيع اللي بتظهر في صفحة المنتدى الرئيسية بيظهر جزء صغير جداً من أسم الموضوع فقط وأخر حرف بيكون رمز مربع .. فأنا مش عارف أزاي أخلي عنوان الموضوع يظهر جزء كبير منه بالاضافة إلى الأيقونة الخاصة بالموضوع .

تالت مشكلة هي أني عايز أعمل توسيط لحقوق الدعم العربي اللي موجوده تحت في آخر المنتدى عشان لما أنا أتبعت خطوات تعديل الاستايل اللي كانت موجوده هنا لقيت أنه الحقوق أنتقلت إلى الجنب اليمين .. بالإضافة إلى أني عايز أضيف فوقها كود html الخاص بموقع إليسكا لمعرفة ترتيب الموقع عالمياً ..

أنا عارف أني طولت عليكم ومشاكلي كتيرة بس أنا أستريح من المشاكل دي والمنتدى بتاعي يستقر وهبتدي المشاركة هنا ..
أرجوا الرد وجزاكم الله كل خير ..

[Pepo]

الموضوع اتنقل لقسم الإستايلات.. لإن المشكلة الأولى والثالثة حلهم من خلال تعديلات فى الأستايل..
حل مشكلاتك بالترتيب..

اجابة سؤالك الأول..
غير ملف images/logo.gif بصورة اللوجو الجديدة.. لكن اعزرنى مش فاهم بقيت السؤال يعنى ايه عايز تضيف مستطيل كبير يشمل الفراغ الأبيض؟

اجابة السؤال الثانى..
اطلب من استضافتك تثبيت موديول iconv وموديول mbstring حتى تظهر الحروف بشكل سليم..

السؤال الثالث..
اضغط تعديل / حذف الموجودة تحت كلمة الثيمات.. ثم اضغط اذهب الموجودة اما الإستايل.
انزل لأخر الصفحة داخل حقل Additional CSS ابحث عن

كود :

#copyright {

اضف بعدها..

كود :

text-align:center;

[darkangel4u]

شكراً يا مستر بيبو على ردك وأستجابتك بالسرعة دي وبجد ليك جزيل الشكر والامتنان وجعل الله عملك ده في ميزان حسناتك.

أنا هخلي الموضوع ده يبقه مجال النقاش بيني وبينك حول المشاكل اللي بتقابلني .. ده بعد إذنك
بالنسبه للمشكلة الأولى هو أنا كنت عايز أرفع ليك صورة للتوضيح بس مش عارف أرفعها أزاي وخصوصاً أن هنا رفع الصور محدد بمساحه 10 كيلوبايت يعني متنفعش ترفع صورة . بس عشان تقدر تفهمني في المشكلة الأولى أدخل على اللينك التالي من هـــنــــــا
وقول ليا إزاي نطبق اللي جه في الشرح اللي في اللينك على منتديات mybb مع العلم أني جهزت كل حاجه وخلصت البانر وجاهز غلى إضافته للمنتدى فقط . ده بالنسبه لأول مشكلة

بالنسبه لتاني مشكلة ياريت توضح ليا شوية عشان لما أكلم اللي أنا واخد معاهم الاستضافه يفهموا قصدي وأعرف أشرح ليهم .

بالنسبه لتالت مشكلة فأنا عملت زي ما قولت وكله تمام يا مستر بيبو وتسلم إيديك بجد بس أنا كنت عايز أضيف كود بيظهر ترتيب الموقع عالمياً من إليسكا ،، والكود هضيفه ليك هنا عشان تشوفه بس أنا كنت عايز أضيفه فوق حقوق الدعم العربي اللي تحت في أخر المنتدى زي ما أنتوا عاملين هنا بس أنتوا ضايفين الكود الخاص بموقع رتب .... الكود أهو :

كود :

<SCRIPT type='text/javascript' language='JavaScript' src='http://xslt.alexa.com/site_stats/js/s/a?url=www.modern2day.com'></SCRIPT>

مشاكل جديدة :

لما بسجل دخول من مجلة mkPortal كل حاجه بتمشي عادي وبيسجل دخول تمام وبعد كده لما أحب أسجل خروج من المجلة بتظهر ليا الرسالة التالية من المنتديات ولازم اسجل خروج من المنتديات :
Your user ID could not be verified to log you out. This may have been because a malacious Javascript was attempting to log you out automatically. If you intended to logout, please click the Logout button at the top menu

مع العلم أني لما ركبت المجلة أستبدلت الملف mybb_board_functions.php بالملف اللي أنتا كنت حاطه زي ما قولت بالضبط فأنا مش عارف رأيك أيه في المشكلة دي .

مشكلة تاني وهي أن زر مشاركة جديدة موجود ناحية الشمال مش ناحية اليمين زي هنا وأنا عايز أخليه زي ما موجود هنا بالضبط في الجهة اليمين فياريت تقولي أعمل أيه ..

كمان أنا بطلب طلب أعتقد أن كتير من الاعضاء برضو بيفكروا في الطلب ده وهو ياريت تعمل لينا موضوع يا مستر بيبو عن خطوط الاستايل وكيفية التعديل فيها والتغيير فيها وكمان أهم نقطه تقسيمة الخطوط في الاستايل أيه لأني دخلت على تعديل الثيم ولقيت أقسام كتيره وكل قسم مستخدم فيه نوع معين من الخط بحجم معين وبقيت مش عارف كل نوع خط ليه علاقة بأنهي قسم في الاستايل ..

أنا عارف أني طولت عليك وتعبتك وزهقتك يا مستر بيبو بس أنا مليش غيرك بعد ربنا ومنتديات الدعم الرائعة دي .
فربنا يوفقك ويكرمك .

[Pepo]

بالنسبة للمشكلة الأولى.. دى مش حاجة فإيدى انى اشرحها انت محتاج تتعلم XTHML و CSS
بالنسبة للمشكلة الثانية انت مش هاتحتاج اى حاجة غير انك تطلب من الإستضافة
انهم يفعلو لك كل من iconv و mbstring extentions ده كل اللى تقولهلهم..
بالنسبة لمشكلة المجلة ارجوا ان نناقشها فى الموضوع التى تم شرحها به..
وبالنسبة لطلبك حول موضوع تعديل الخطوط والألوان الخ.. متهيألى انى شرحته قبل كده فى موضوع مثبت بقسم الأستايلات..
وبالنسبة لموضوع الزر اللى على اليسار هاتحتاج تعدله من قالب showthread

[darkangel4u]

أعدل أزاي زر مشاركة جديدة من قالب showthread ما أنا مش عارف ولو كنت عارف مكنتش سألت .

وبعدين يا بيبو أنا مش بقولك أشرح ليا أزاي أعمل بنر للمنتديات أنا بقولك أضيف كود البنر فين في المنتديات بالضبط .

وبالنسبه للإستضافة أنتهى موضوعها .

بالنسبه لشرح الخطوط في الاستايل أنتهى موضوعها .

بس مقولتليش أزاي أحط كود أليسكا في المنتديات من تحت فوق كلمة الحقوق محفوظة للدعم العربي ؟؟؟

[Pepo]

اعزرنى يا طيب.. كنت مستعجل شوية وانا بجاوبك.. بالنسبة لقالب showthread حطهولى هنا لأن انا مش عارف التعديلات اللى فيه..
بالنسبة للمكان اللى هاتحط فيه اللوجو هو قالب الـ header
وبالنسبة لكود اليكسا. هاتحطه فى قالب footer قبل <div id="copyright">

[darkangel4u]

أخي العزيز بيبو شكراً بجد على أهتمامك بالرد ... ومفيش أي مشكلة وانا مقدر أنشغالك بالرد على الكثير من المواضيع وبعتذر على التطويل في شرح المشاكل والمشاكل ذات نفسها عموماً ..

[darkangel4u]

يا جماعة أنا أتبعت الشرح بتاع مستر بيبو وزي ما قالي أنا عملت ... والحمد لله قدرت أركب الكود اللي بيظهر ليك ترتيب الموقع عالمياً من موقع اليسكا وقدرت أركب بانر خفيف وجميل للمنتدى من فوق والبنر ده بيشمل أماكن لوضع الأعلانات بالأضافة للينكات لصفحات الموقع الخاص بيك ،، وتقدروا تدخلوا على المنتديات بتاعتي عشان تشوفوا البانر لما ركب مكان اللوجو الافتراضي للمنتديات وعشان تشوفوا برضو ترتيب الموقع من أليكسا بعد ما ركب في أسفل المنتدى تحت ...

لمعاينة البنر وترتيب الموقع أضغط هـــــنــــــــا

ولو في أي استفسار أنا برضو موجود للمساعده بس في الحاجات اللي أنا ركبتها ..