تحديث آخر نسخة 1.8.37

تقييم الموضوع :
  • 2 أصوات - بمعدل 3
  • 1
  • 2
  • 3
  • 4
  • 5
غل وكره جزائرى للمصريين
#21
للأسف
حكومة الدولتين عملو القصص دى عشان تلهى الشعبين عن مشاكلهم
احنا ننسى التوريث
والجزائرين ينسو المعرضه والصفقات التى لا تتمشى مع الاسلام

ياجماعه اللى حصل فى السودان ده عيب حكومى مش شعبى واللى راحو هناك مش مشجعين جزائرين
وكمان ايه اللى يودى ممثلات فى مباراة زى دى

انا شايف ان الموضوع مش مستاهل
والغلط من الطرفين

والحكومه المصريه مقصره جدا جدا وبلاش نخلط ونقول اعلام الجزائر كله شتمنا دى مجرد صحيفه صفرا وكلو عارف كده
وياريت الاعلام بتعنا يبطل يقول مصر الشقيقه الكبرى ومصر ام الدنيا
لان مصر لو الشقيقة الكبرى كانت بدل متحاصر اخونا فى فلسطين كانت تسعدهم
ونرجع نقول العرب بيكرهونا ليه
للأسف عمر العرب مهيحبو المصرين غير لما مصر ترجع زى الاول فى عهد عبد الناصر

انا مش عارف ليه معملناش كده لما ممدوح اسماعيل موت عمدا 1400 مصرى
زعلنا لما اتعمل فينا كده
ومزعلناش لما الفلسطنين اضربو بنيران اسرائيلية ولما جم يتحامو فينا قفلنا المعبر ومسئلناش عنهم
الرد
شكر من طرف :
#22
مع كل احترامى الشديد لك اخى احمد, لكن يوجد كلام كثير بكلامك تقوله ولا تنظر له بكل جوانبه.

يعنى ايه "ايه اللى يودى ممثلات مباراة زى دى"؟ دى مباراة المفروض انها مصرية والكل بيكون نفسه يحضرها, لكن اللى ميسر ماديا بس اللى يقدر يروحها, ولو مش الممثلات هما اللى هايكونوا ميسرين ماديا اومال مين اللى هايكون معاه فلوس فى بلدنا؟...

إقتباس :انا شايف ان الموضوع مش مستاهل

بصراحة انت غريب, او يمكن ماكانش ليك حد من اللى اضربوا فى السودان, بس ماهو انا كمان ماليش حد من اللى اضربوا فى السودان...

لكنهم مصريين, وعلم مصر اللى اتحرق, كل ده مش مستاهل فى نظرك؟ اومال اللى ايه تانى اللى يستاهل؟

انا معاك ان الحكومة المصرية قصرت (قصرت اننا لحد دلوقتى ما اخدناش موقف حاسم), لكن الغلط ماكانش من مجرد صحيفة صفرا, الغلط كان غلط جماعى, من اول القيادات لحد الشعب الجزائرى..

وياريت يا اخى تركز اكتر فى كلامك انا مش شايف ليك اى ولاء لبلدك (ليس لأنك تنتقد, لكن لأنك تهاجم مثلك مثل اى شخص لا يدرى بأى شئ يدور بالبلد)...
مصر ماحاصرتش الفلسطنيين, الفلسطنيين اللى سابوا المعتدى عليهم وجم يعتدوا علينا, ولا نسيت العساكر والضباط اللى اتقلوا على حدودنا؟

وياريت بلاش نعمم الكلام ونجيب الموضوع فى العرب كلهم, لأن كله فى عيبه, بما فيهم المصريين... لكن عيوب يمكن ان تقبل ويمكن ان يتعايش معها الجميع, لكن مافعله الجزائريين لا مقبول ولا سيقبل, ولا سنتعايش معه...
الرد
شكر من طرف :
#23
بالنسبه للممثلات يابيبو
لما الحزب الوطنى يحتكر السفر ويبعت فنانين وفنانات مين هيودى االفقراء والمشجعين الحقيقيين
هوا ده اللى عملته الحكومه لاكن بص بقى للجزائر عملو ايه
بعتو مشجعين وبعتو اعلام وبعتو فلوس وبعتو وجبات ونظمو طيران مخصوص مش عشوائيه فى كل حاجه وكمان ليه نصمم اننا مش غلطنين
-------------------
وانا مش عارف انت بتكلم بحده كده ليه معايه يا بيبو وبعدين اسف ومتزعلش مشمن حق اى حده يقلى انى مليش ولاء للبلد لانى الحمد لله مشارك سياسيا كويس وعارف ايه اللى بيدور فى البلد
وعيب علينا لما نزعل اووى لما نضرب من عرب وعلى حاجه تفها ولما يموت اكتر من 1400 واحد فى العباره كلو يسكت
ولما الغاز يروح لاسرائيل كلو يسكت وعلى فكرا اللى اتضربو على الحدود اسرائيلين اللى ضربوهم واخد واحد اضرب على الحدود
والحكومه قالو فلسطنين هههههههههه غريبه اووى طلع بيان من اسرائيل تأسف للشعب المصري وبيقولو ان ضابط اسرائيلى لسه مستجد شك فى جندى مصرى واطلق عليه النار ؟

يابيبو انا عارف انا بقول ايه بالضبط وبعدين انا قلت ان اللى راحو هنا مش مشجعين جزائرين وقلت ايه اللى يودى فنانين صح
ليه اللى يروح مشمشجعين اقلك ليه بقى
لان انت نفسك زى بالضبط شوفت فى الماتش الفرق بين المشجعين اللى شجعو بأعلى صوتهم فى القاهرة والمنتخب كسب
لاكن فى السودان مسمعناش صوت حد قال مصر سمعنا صوت الجزائرين بس الفنانين خيفين علىالبرستيج وقاعدين سكتين دول ريحين يشجعو
لا للأسف دول ريحين عشان المنظره
وعلى فكرا الفنان محمد فؤاد اول مره لما اتصل على عمرو اديب وزعق وقال احنا بنموت انا دمى غلى الصلاحه
وقاله احنا فى الشارع بنموت وانا متعور تمام
لاكن دور على فى اليوت يوب هتلاقى الفنان الجميل مصورينه وهوا بيتكلم فى التليفون وهوا قاعد فى السفاره المصريه ومحدش جنبه غير المصرين
يبقى ازاى كان بيضرب
وعلى العموم شوف المقتع ده للأخر
http://www.youtube.com/watch?v=UXQGmHPYlXg

وعلى فكرا لو مش لازم اكون عندى ولاء عشان ناس اضربت فى ماتش كوره لا انا يبقى عندى ولاء للوطن لما اقف قدام الفساد زى اللى بيحصل فى الفقراء فى القطارات والعبارات وغيره وغيره
غريبه اووى ان الناس غضبت دلوقتى وعمرهم مغضبو قبل كده
وبعدين زى مقلتلك الفلسطنين مضربوناش وكمان العساكر المصريه الى اضربو والاسرائيين اللى ضربوهم مش الفلسطنين ده كان بعد الحصار
والى اعرفه ان الاسلام قال ان لو فى بلد مسلمه هجم عليها اعداء الله البلد القريبه تحشد جيشها وتدخل تساعدها
مش نقول مش نقول يروحو على اللى اعتدو عليها
وبعدين انت ازاى بتقول اننا مش مش محاصرينهم ههههههههههه
امال الجدار اللى عملينه ده ايه
وكمان سمعت النهردا ان الحكومه هتعمل جدار تانى من الفولاز 20 متر تحت الارض لو مش عاوزين نساعدهم بقى
يبقى ياريت منتكلمش عن الاسلام
وبمنسبة انك بتقول بلاش نعمم على العرب
شوف الاعلام النبيل بتعنا قال ايه
والاعلام المصرى هوا اللى قال الاعلام بيكرهنا مش انا وانا ناقلا بس
الرد
شكر من طرف :
#24
إقتباس :لما الحزب الوطنى يحتكر السفر ويبعت فنانين وفنانات مين هيودى االفقراء والمشجعين الحقيقيين
هوا ده اللى عملته الحكومه لاكن بص بقى للجزائر عملو ايه
بعتو مشجعين وبعتو اعلام وبعتو فلوس وبعتو وجبات ونظمو طيران مخصوص مش عشوائيه فى كل حاجه وكمان ليه نصمم اننا مش غلطنين

مش عارف انت كلامك مبنى على اى اساس, حزب وطنى ايه اللى احتكر السفر للفنانين؟
دى مباراة كرة قدم (شئ ترفيهى) اللى معاه يروح واللى مش معاه يتفرج من بيته...

لكن اللى الجزائر عملوه, دى عملية منظمة بعتوا فيها المساجين والبلطجية بتوعهم عشان اللى هما ناويين عليه..

وبعدين غلط ايه اللى احنا مصممين ننكره؟ وايا كان الغلط, هل كان مستدعى كل الأهانات اللى عملوها الجزائريين؟

انا مش بتكلم معاك بحدة, بس ماعلش لما يكون ده موقفك وانت مصرى (او على الأقل واحد بيقول كلمة حق) يبقة لازم يترد عليه...

لكن اللى انا شايفه انك مستسهل اوى انهم حرقوا علم بلدك واهانوا مصريين كتير بمنتهى القذارة وقلة الأدب, وانت تقول مش مستاهل... فين ولاءك ده؟

إقتباس :لان انت نفسك زى بالضبط شوفت فى الماتش الفرق بين المشجعين اللى شجعو بأعلى صوتهم فى القاهرة والمنتخب كسب
لاكن فى السودان مسمعناش صوت حد قال مصر سمعنا صوت الجزائرين بس الفنانين خيفين علىالبرستيج وقاعدين سكتين دول ريحين يشجعو
لا للأسف دول ريحين عشان المنظره

لا سورى, لو كنت بتابع فعلا كنت هاتعرف, كنت هاتعرف ان المشجعين واللاعبين كانوا داخلين الماتش فى حالة ارهاب من قبل الماتش, من بداية استقبالهم...

وبعدين يا اخى انت عمال تدخل امور داخلية فى امور خارجية...
امورنا الداخلية فهى فى الأول وفى الأخر مننا فينا, شعب وحكومته, الشعب سلبى والحكومة مستبدة, والفساد كتير, الخ... كلها مشاكل داخلية.
مش معناها بقة اننا نقبل ان كلاب زى اللى حرقوا العلم يحرقوه ونقول اصل احنا عندنا فساد...

إقتباس :وبعدين انت ازاى بتقول اننا مش مش محاصرينهم ههههههههههه
امال الجدار اللى عملينه ده ايه
وكمان سمعت النهردا ان الحكومه هتعمل جدار تانى من الفولاز 20 متر تحت الارض لو مش عاوزين نساعدهم بقى
يبقى ياريت منتكلمش عن الاسلام

شوف يا طيب, اى كان سبب ضحكة السخرية التى تضحها, فهو ليس موضعها الصحيح, ولولا ان معرفتى بك ليست حديثة لما قبلتها...

على كل حال, مسألة فلسطين, مسألة تختلف كل الأختلاف ولنتحدث عليها فالنتحدث عنها بموضع يخصها...
لكن بما انك بتتكلم عنها هنا, اسمحلى هو مين من العرب عمل ايه عشان فلسطين ولا غيرها؟ كل واحد بيقول نفسى...

واحنا طول عمرنا حمامة السلام والأم, والأخت الكبيرة, وبعدين؟ كتير من العرب بيتعاملوا معانا على اساس انهم فوق واحنا تحت...

وده برضه مايمنعش ان اللى بيحصل فى فلسطين بيحزنا كامصريين...

واذا اردت متابعة الحوار بالتعميم على العرب, والدخول فى حوارات خارج الموضوع فأنا لست مستعد للدخول معك فى هذا النقاش...

اما اذا اردت مناقشة مسألة الجزائر, بشكل عاقل, متفتح, خالى من اى تحييز (بإختصار, بكلمة حق)...

اكيد هايسعدنى الحوار...

وشئ اخير, تعليقا على الفيديوا الجميل اللى انت حاطه, ومقتنع بمدى صحته, انا كمان مقتنع بيه جدا, وانه 100000% مش متفبرك..

بس كمان متأكد 10000000% ان محمد فؤاد مش كداب, لأنه مش لازم يكون بيجيب دم, ويكون البلطجية (الجزائريون) حوله وهو بيتكلم,, اكيد ماكانش هايقدر يتكلم الا اما يكون فى مكان يسمح له انه يتكلم فى التليفون وهو فى امان..

ومش فاهم ليه انت بتحاول تكون متحايز ومتهاجم على موقف مصر,, وانا مش بفترى عليك, لكن كون انك تسيب عشرات الفيديوهات اللى فيها بلاوى حصلت للمصريين فى السودان, وتيجى على فيديوا تافه زى ده, عشان تدعم بيه ان الأعلام المصرى كله بيكدب يبقة اكيد انت فى شئ مظبوط بتحاول توصلوا او واصلك..
الرد
شكر من طرف :
#25
اقلك كلامى مبنى على اى اساسا ان كل اللى راحو يحجزو عشان يطلعو السودان وكانو بره الحزب الحكومه مردتش تسفرهم وانا ليا ناس راحت
وفى ناس انااعرفهم من الحزب راحو وهما بنفسهم قالو ان صوتهم اتنبح فى التشجيع وكانو 50 بس الشباب وواحد منهم اللى اعرفه قال ان الفنانين اللى راحو راحو عشان البرستيج ومحدش شجع الفريق يبقى يابيبو بكل بساطه متقوليش اللى معاه يروح المفرود اللى يروح مشجعين يشجعو اللعيبه بتعتنا مش تقولى اللى معاه فلوس يروح
-------------------
انا مش عارف ليه مصمم تدخل ولاءى فى موضوع زى ده انت زعلان يعنى عشان حروق علمنا طيب ايه رائيك اننا حرقنا علمهم وشتمناهم وقلنا عليهم شعب ابن حرام وبربره وشعب ابن فرنسا وقلنا مليون شهيد ايه اللى بيقولو عليهم وكلام كتير كده واتقال قبل مهما يحرقو علمنا يبقى منشتمهمش وتقلى فين ولاءك لما يشتمونا انا ولاءى للبلد لما اقف ضد الفساد عشان الفقراء لما انتخب رائيس عادل للبلد لما اقف فى وش الصهينة اللى بيقتلو اخونا فى فلسطين والعراق مش تقلى فين ولاءك عشان ناس اضربو فى ماتش كوره وكمان مفيش ولا حالة ضرب سبتت ولا فى اى محضر ولا حد متصور انه اتضرب ولا اتقتل ولا اللى اتقال ده كله وانا والله مستغرب انك تكون مسلم وموقفك كده فين سماحة الاسلام ولا مقرئتوش عن مواقف الرسول عشان يبقى قدوتنا ولا يمكن متعرفوش قصة قبيل وهبيل ولا متعرفوش مين مصلحته ان الموضوع يكبر كده.
---------------------------------
لالالا انا متابع الماتش كويس جدا وتابعت اخبار الموضوع ده من الاول للأخر وبدقه عاليه اووى وكل اللى طلعو فى برامج التوك شو من الفنانين اللى راحو الماتش قالو "ان واحنا دخلين السودان وكمان واحنا دخلين الاستاد محدش اتعرضلنا خالص وكل شىء كان سليم "
فمتقليش مش متابع على فكرا مهى المشكله اننا مبنعرفش ايه الاسباب الحقيقيه عشان كده مبنعرفش نحلل الموضوع
الامور الداخليه مرتبطه بالامور الخارجيه يا بيبو الشعب السلبى ده اللى انا بتكلم عليه انه لما غزة اضربت السنه اللى فاتت ومات 1300 تقريبا محدش فتح بقه وزى ميكون دول مش مسلمين وقبليها بسنين حادث العباره اللى مات 1400 منجيش بقى فى حتت ماتش تافه ونقول اداس على علمنا مهى اسرائيل داست على علمنا فى اسرائيل وبيستمو المصريين كل يوم بس الاعلام المصري فالح بس يتشطر على الجزائرين انا لو اخويه غلط وغلط فيا جامد وانا شايف ان فى عدو ليا ليه مصلحه انه يفرق بيه ابقى غبى لو مشيت زى مالعدو عاوز بزمتك هوا ده الولاء الحقيقى للى انت عوزه ؟؟؟
وبعدين اللى ثبت بالصور اننا ضربنا اتوبيس اللعيبه وانت شوفت كانو عملين ازاى اول مضربو تليفون للفيفا وسبتو الحاله واحنا عشوئيه فى كل حاجه
انا مش عارف امتى هنتعلم
-----------------------------------------
يابيبو على فكرا قبل مكمل انا مش فى الموضوع ده عشان انا وانت نكلم بعض بحده انت اكبر منى وانا محترم فرق السن وانا شيفك انسان محترم جدا
فبلاش تعتبر ان كلامى هجوم عليك والضحكه دى سخريه بس من اللى احنا فيه فى مثل بيقلك هم يبكى وهم يضحك واللى احنا فيه ده هم يضحك
------------------------
اكمل الموضوع ياخى بيبو احنا بنعمل لما نساعد اخونا فى فلسين مينفعش نقول احنا طول عمرنا بنعمل لان ده واجب علينا والرسول عليه الصلاة والسلام وسى على مصر وقال خير اجناد الارض ووكنانة الله فى الارض يعنى احنا مصدر صلاح الله فى الارض للمسلمين ضد اعداء الله يعنى واجب علينا احنا اللى نساعد واحنا بنساعد مش عشان حد من العرب يساعدنا لا احنا بنساعد عشان ربنا وبعدين العرب مين قالك محدش عمل فى حرب
فى 48 الاردن وسوريا والسعودية ومصر والعراق دخلو بجيشهم عشان فلسطين عشان كده ارض سوريا احتلت وسينا والاردن بس خدوها بعد كده ولبنان بس طبعا عشان احنا مكناش مجهزين والعدو الصهيونى كان مجهز ومضرب على اعلى مستويات الحرب العالميه فخسرنا
وفى حرب 73 السعوديه بعتتلنا فلوس وسريا دخلت معانا وابو مدين فى الجزائر راح روسيا وكتب شيك مفتوح على بياض يعنى عشان السلاح لمصر
وال صدمه بقى ان الحكومه المصريه هى اللى خانت اقلك ازاى
مصر قالن لسريا ادخلىمعانا الحرب هناخد كل سينا وهندخل نسعدك فى الجولان ومصر كانت عرفه انها عوزه بس 13 كيلو فى سينا عشان تاخد الباقى بالسلام عشان كده احنا وقفنا فى الحرب وقلنا هنتفاوض واخونا السوريين كانو بيحربو مش متوقعين ان السدات هيعمل كده وعشان كده الجولان محتله لغايت دلوقتى عشان كده يمكن ده سبب ان فى عرب بيكرهونا واحنا ممكن نخلى العرب يحبونا تانى لما نبقى القدوه زى ايام عبد الناصر .
--------------------------
اه صحيح بالنسبه للسلام مفيش حاجه اسمها سلام يابيبو فى اسلام فى قرأن روانت عارف ربنا قال ايه فى المواقف اللى زى كده فالسلام ده كذبه بنضحك على نفسنا بيها
-----------------------
اللى بيحصل فى فلسطين مش محتاج يحزنا محتاج نقف وقفه صح قبل فوات الاوان
------------------------
يأخى موضوع الجزائر ومصر موضوع عربيا ازاى مندخلش العرب فى الموضوع اذا كان الموضوع عربيا اساسا وانا مش بتكلم فى خارج الموضوع
انا بتكلم فى قلب الموضوع .
اخى بيبو انا يمكن بالنسبالك انى مش بتكلم بشكل عاقل او متفتح بس مش عشان مصر بلدى وشايف غلط فيها يبقى اقف واقول ولاءى لبلدى
لا انا اول الحور قلت ولو مكنتش قلت انا بقول اهو الجانبين المصرى والجزائرى غلطانين والحكومتين عملوكده عشان يلهو الشعبين فى مسائل تفهة
ومش بعيد اللى حرق علم مصر يكون الحكومه الزائريه مأجراه واللى ضرب الاتوبيس فى مصر الحكومه المصريه برو وراه لان مكنش فى حراسه على الاتوبيس وده خير دليل .
-------------------------------
يأخى بيبو انا جبت الفديو ده بالزات عشان اتناسب مع كلمنا لو كان فى منسبه فى الكلام انى اجيب فديو تانى كنت جبت مش معقول هجيب فديوهات فى كلام مش مشترك بين اللى بقوله والفديوهات دى انا بتكلم عن الفنانين وضربة مثال بالفنان محمد فؤاد
انا موقفى مش متهاجم على مصر بس انا قلت الجزائرين غلطنين بس اللى انا زلان عليه ومخلينى بتكلم كده العشوائيه اللى تعملت بيها الحكومه المصريه فى الموضوع ده وانا مقلتش انالجزائرين مش غلطنين انا بقووووووووووووول الاتنين غلطانين بس عشان الشئان المصرى يخصنى اكتر من الجزائرى فبنتقده اكتر ده كل الموضوع
---------
انا مقلتش انكبتفترى عليا يابيبو ده موضوع وبنقشه مش مستهله اننا نزعل من بعض لان دى حرية نقاش
ابدا والله مفيش شىء عاوز اوصله الا انى اوصلك فكرى فى الموضوع ده وهل انت شايف ان الاعلام المصرى اللى فيه مئات القناواة كان منصف
والجزائر قناة وحدا بس انا جبت تردد قناة الجزائر من قبل الماتش ولايت دلوقتى موجوده
قسما بالله قسما بالله مفيش ولا جزائرى اتكلم عن مصر بسؤ فى القناة بتعتهم بس انتقدو الماتش وقالو ان حرام ان المنتخب المصرى ميصعدش لان فىه ناس كويسه جدا امثال ابو تريكه وعور زكى هوا ده الا قلوه وصحيفة الشروق الجزائريه معروف انها جريدة صفراء زى صحف عندنا كتير
اشمعنا سبنا كل الصحف اللى شتمت فيهم ومسكنا فى صحيفة وحدا صفرا شتمت فينا

ياريت نكون موضوعين
تحياتى لك
واللى فى الموضوع ده نقاش ولو بسببه ممكن تزعل منى ممكن مكملش الموضوع عادى بس ياريت نتفهم اراء بعض من غير منتهم بعض بالولاء او عدم الولاء لان الولاء فى الحرب مش فى ماتش كوره

تحياتى
الرد
شكر من طرف :
#26
إقتباس :اقلك كلامى مبنى على اى اساسا ان كل اللى راحو يحجزو عشان يطلعو السودان وكانو بره الحزب الحكومه مردتش تسفرهم وانا ليا ناس راحت
وفى ناس انااعرفهم من الحزب راحو وهما بنفسهم قالو ان صوتهم اتنبح فى التشجيع وكانو 50 بس الشباب وواحد منهم اللى اعرفه قال ان الفنانين اللى راحو راحو عشان البرستيج ومحدش شجع الفريق يبقى يابيبو بكل بساطه متقوليش اللى معاه يروح المفرود اللى يروح مشجعين يشجعو اللعيبه بتعتنا مش تقولى اللى معاه فلوس يروح

ارجع واقولك برضه اللى معاه هو اللى هايروح, واللى ماعهوش يدور ازاى هايكفى نفسى ويستر نفسه وبيته وبعدها يبقة يفكر فى ماتش...

طيب كنت اقدر اتصرف فى تمن تذكرة واروح الماتش,, بس عندى اولويات احط فيها الفلوس دى, ولو الفلوس دى زيادة عليا هاوديها فى صدقة ولا ذكاة احسن ماحطها فى مشاهدة مباراة كرة (لأنى لست متعصب كروى, ولأنى لا اتعامل مع الكرة اكثر من انها شئ ترفيهى)...

إقتباس :انا مش عارف ليه مصمم تدخل ولاءى فى موضوع زى ده انت زعلان يعنى عشان حروق علمنا طيب ايه رائيك اننا حرقنا علمهم وشتمناهم وقلنا عليهم شعب ابن حرام وبربره وشعب ابن فرنسا وقلنا مليون شهيد ايه اللى بيقولو عليهم وكلام كتير كده واتقال قبل مهما يحرقو علمنا يبقى منشتمهمش وتقلى فين ولاءك لما يشتمونا انا ولاءى للبلد لما اقف ضد الفساد عشان الفقراء لما انتخب رائيس عادل للبلد لما اقف فى وش الصهينة اللى بيقتلو اخونا فى فلسطين والعراق مش تقلى فين ولاءك عشان ناس اضربو فى ماتش كوره وكمان مفيش ولا حالة ضرب سبتت ولا فى اى محضر ولا حد متصور انه اتضرب ولا اتقتل ولا اللى اتقال ده كله وانا والله مستغرب انك تكون مسلم وموقفك كده فين سماحة الاسلام ولا مقرئتوش عن مواقف الرسول عشان يبقى قدوتنا ولا يمكن متعرفوش قصة قبيل وهبيل ولا متعرفوش مين مصلحته ان الموضوع يكبر كده.

انا مدخل ولائك فى الموضوع, لأنى مش فاهم ازاى تشوف علم بلدك بيتحرق, وبلدك بتتشتم, واللى كانوا بيمثلوك ويمثلونى ويمثلوا كل مصرى فى تشجيع المنتخب اتهانوا واتبهدلوا وطلع عينهم, ومع ذلك بتدافع عن اللى عملوا كده وبتتكلم بالظبط زيهم وكأنك منهم...

إقتباس :لالالا انا متابع الماتش كويس جدا وتابعت اخبار الموضوع ده من الاول للأخر وبدقه عاليه اووى وكل اللى طلعو فى برامج التوك شو من الفنانين اللى راحو الماتش قالو "ان واحنا دخلين السودان وكمان واحنا دخلين الاستاد محدش اتعرضلنا خالص وكل شىء كان سليم "
فمتقليش مش متابع على فكرا مهى المشكله اننا مبنعرفش ايه الاسباب الحقيقيه عشان كده مبنعرفش نحلل الموضوع
الامور الداخليه مرتبطه بالامور الخارجيه يا بيبو الشعب السلبى ده اللى انا بتكلم عليه انه لما غزة اضربت السنه اللى فاتت ومات 1300 تقريبا محدش فتح بقه وزى ميكون دول مش مسلمين وقبليها بسنين حادث العباره اللى مات 1400 منجيش بقى فى حتت ماتش تافه ونقول اداس على علمنا مهى اسرائيل داست على علمنا فى اسرائيل وبيستمو المصريين كل يوم بس الاعلام المصري فالح بس يتشطر على الجزائرين انا لو اخويه غلط وغلط فيا جامد وانا شايف ان فى عدو ليا ليه مصلحه انه يفرق بيه ابقى غبى لو مشيت زى مالعدو عاوز بزمتك هوا ده الولاء الحقيقى للى انت عوزه ؟؟؟
وبعدين اللى ثبت بالصور اننا ضربنا اتوبيس اللعيبه وانت شوفت كانو عملين ازاى اول مضربو تليفون للفيفا وسبتو الحاله واحنا عشوئيه فى كل حاجه
انا مش عارف امتى هنتعلم

مش عارف انت متابعه ازاى,,, يمكن انت تابعته فى قنوات او برامج تانية غير اللى كل المصريين شافوها؟ او انت شوفت ناس تانية غير اللى احنا شوفناهم (زى الجزائريين اللى كانوا ماسكين سلاح مثلا)...

(موضوع فلسطين مش هاتكلم فيه لأن ده شئ غير الشئ).

إقتباس :يابيبو على فكرا قبل مكمل انا مش فى الموضوع ده عشان انا وانت نكلم بعض بحده انت اكبر منى وانا محترم فرق السن وانا شيفك انسان محترم جدا
فبلاش تعتبر ان كلامى هجوم عليك والضحكه دى سخريه بس من اللى احنا فيه فى مثل بيقلك هم يبكى وهم يضحك واللى احنا فيه ده هم يضحك

ماحصلش حاجة يا طيب, بسيطة وانت اخ عزيز مش بس اصغر سننا...

إقتباس :اكمل الموضوع ياخى بيبو احنا بنعمل لما نساعد اخونا فى فلسين مينفعش نقول احنا طول عمرنا بنعمل لان ده واجب علينا والرسول عليه الصلاة والسلام وسى على مصر وقال خير اجناد الارض ووكنانة الله فى الارض يعنى احنا مصدر صلاح الله فى الارض للمسلمين ضد اعداء الله يعنى واجب علينا احنا اللى نساعد واحنا بنساعد مش عشان حد من العرب يساعدنا لا احنا بنساعد عشان ربنا وبعدين العرب مين قالك محدش عمل فى حرب

مانا قولتلك بلاش ندخل مواضيع غير موضوع الجزائر فى الحوار لأن دى قضاية مختلفة, لكن عشان احنا خير اجناد الأرض, واحنا مصدر صلاح الله فى الأرض, و و و ماينفعش بقة شوية كلاب يتطلعوا يحرقوا الرمز الأسمى بالنسبة لنا, ونقول معلش اصلنا اخوات!!!...
(مش هاتكلم فى قضاية خارج الموضوع ده)

إقتباس :اه صحيح بالنسبه للسلام مفيش حاجه اسمها سلام يابيبو فى اسلام فى قرأن روانت عارف ربنا قال ايه فى المواقف اللى زى كده فالسلام ده كذبه بنضحك على نفسنا بيها

مش عارف ايه قرأن روانت ده (ماعرفش غير قرأن ربنا)

واظن دينا واضح فى حاجة زى دى, فيما معناه "اذا تنازع اخوين منكم, صافحوا بينهم, فإذا اصلحوا فأصلحو, واذا لم يصلحوا فالمعتدى ياخد عقابه".

إقتباس :اللى بيحصل فى فلسطين مش محتاج يحزنا محتاج نقف وقفه صح قبل فوات الاوان
يا اخى هو احنا بلد عايشة فى رفاهية, هو احنا زى دولة زى الأمارات ولا السعودية ولا الكويت مثلا, هما كل مشاكلهم تعتبر اشياء ترفيهية..
احنا لسة عندنا ناس عايشة تحت خط الفقر, وعندنا كوارس فى بلدنا, نسعى اننا نخلص منها عشان نقدر نساعد غيرنا...

ماهو احنا مش هانكون متعريين (اسف فى اللفظ) وندور ازاى نغطى غيرنا,, هانبقة بنكدب على نفسنا وعلى غيرنا...

إقتباس :يأخى موضوع الجزائر ومصر موضوع عربيا ازاى مندخلش العرب فى الموضوع اذا كان الموضوع عربيا اساسا وانا مش بتكلم فى خارج الموضوع
انا بتكلم فى قلب الموضوع .
اخى بيبو انا يمكن بالنسبالك انى مش بتكلم بشكل عاقل او متفتح بس مش عشان مصر بلدى وشايف غلط فيها يبقى اقف واقول ولاءى لبلدى
لا انا اول الحور قلت ولو مكنتش قلت انا بقول اهو الجانبين المصرى والجزائرى غلطانين والحكومتين عملوكده عشان يلهو الشعبين فى مسائل تفهة
ومش بعيد اللى حرق علم مصر يكون الحكومه الزائريه مأجراه واللى ضرب الاتوبيس فى مصر الحكومه المصريه برو وراه لان مكنش فى حراسه على الاتوبيس وده خير دليل .

بص يا طيب, الموضوع عربى لأنه بين مصر (عربية الأصل) والجزائر (اسف فهم اشباه عرب وليسوا عرب)
لكن هذا لا يخص اى قضية اخرى بين مصر واى دولة اخرى سواء عربية او غيرها..

اما عن الغلط اللى انت بتتكلم عنه, فالمصريين وصلوا لأى غلط عملوه بعد احداث ام درمان, لكن قبلها اى كلام اتقال انه حصل فى مصر فهو كدب (لأنى شوفت بنفسى)

كنت عند فندق اوروبا (لو تعرفه فى شارع الهرم)
يوم مامصر هزمت منتخب الجزائر, وكان في نزلاء فى الفندق جزائريين, قبل ماينزلوا الشارع كانوا بيشاوروا بشتايم للمصريين من نوافذ غرفهم (اظنك تفهم ما اقصد)..

فعند نزولهم كنت راكب انا سيارة فلوكس صغيرة بقرب من الفندق, اقسم لك ان السيارة تحركت من مكانها من تخبط الناس بها...

عارف الناس ليه كانوا بيتخبطوا بها؟ من جرى القوات الأمنية ورائهم لفزعهم وابعداهم عن الجزائريين...

اما موضوع الأتوبيس فأنا لا اظن انه اكذوبة, لكنه ليس مقياس, لأنه لم يكن متعمد ولم يتم التجهيز له ولم يتم ارسال هؤلاء الأشخاص بشكل متعمد (مثلما تم ارسال الجزائريين بالطائرات الحربية), ولا مدهم بسلاح (مثل السنج والمطاوى التى رأيناها كلنا) حدفوا بالطوب (اى شوية شباب يقدروا يعملوا كده بمنتهى البساطة) ومع ذلك القوات الأمنية حرصت على انهاء الموقف قبل تأذى اى لاعب جزائرى...

إقتباس :يأخى بيبو انا جبت الفديو ده بالزات عشان اتناسب مع كلمنا لو كان فى منسبه فى الكلام انى اجيب فديو تانى كنت جبت مش معقول هجيب فديوهات فى كلام مش مشترك بين اللى بقوله والفديوهات دى انا بتكلم عن الفنانين وضربة مثال بالفنان محمد فؤاد
انا موقفى مش متهاجم على مصر بس انا قلت الجزائرين غلطنين بس اللى انا زلان عليه ومخلينى بتكلم كده العشوائيه اللى تعملت بيها الحكومه المصريه فى الموضوع ده وانا مقلتش انالجزائرين مش غلطنين انا بقووووووووووووول الاتنين غلطانين بس عشان الشئان المصرى يخصنى اكتر من الجزائرى فبنتقده اكتر ده كل الموضوع

انسى موضوع الفيديوا, لكن كلامك مش انتقاد, لأن انا نفسى بتنقد موقف الحكومة, لأنهم ما وفروش امن كامل لا للمنتخب ولا للجمهو, ولا جابوا حقنا بشكل يرضينا لحد دلوقتى, لكن انت بتقول الموضوع مش مستاهل, واننا شتمنا وافترينا و و يبقة انت بتهاجم مش بتنتقد..

إقتباس :انا مقلتش انكبتفترى عليا يابيبو ده موضوع وبنقشه مش مستهله اننا نزعل من بعض لان دى حرية نقاش
ابدا والله مفيش شىء عاوز اوصله الا انى اوصلك فكرى فى الموضوع ده وهل انت شايف ان الاعلام المصرى اللى فيه مئات القناواة كان منصف
والجزائر قناة وحدا بس انا جبت تردد قناة الجزائر من قبل الماتش ولايت دلوقتى موجوده
قسما بالله قسما بالله مفيش ولا جزائرى اتكلم عن مصر بسؤ فى القناة بتعتهم بس انتقدو الماتش وقالو ان حرام ان المنتخب المصرى ميصعدش لان فىه ناس كويسه جدا امثال ابو تريكه وعور زكى هوا ده الا قلوه وصحيفة الشروق الجزائريه معروف انها جريدة صفراء زى صحف عندنا كتير
اشمعنا سبنا كل الصحف اللى شتمت فيهم ومسكنا فى صحيفة وحدا صفرا شتمت فينا

لا هما اذكى من انهم يشتموا على قناة زى اللى انت بتتكلم عنها, لأن دى هاتبقة دليل مسجل ضدهم, لكن الصحف, يقدروا يقولوا زى مانت قولت, دى صحف صفراء, لكن موقف الحكومة انها تبعت شوية كلاب بطائرات حربية, وتوفرلهم فلوس يحجزوا بيها كل الفنادق ويشتروا بيها سلاح, وشعبهم نفسه يعمل العمايل القذرة اللى شوفناها مئات المرات بالبرامج المصرية, يبقة مش محتاجين كمان انهم يشتموا, ماهما اصلا شتموا وضربوا وعملوا اللى نفسهم فيه...

وبالمناسبة تعليقا على اخر حاجة انت قولتها "الولاء فى الحرب مش فى ماتش" المسألة مش مسألة ماتش, المسألة زى ماهو واضح فى عنوان الموضوع, ناس كنا واخدينهم اخوة, ومرة واحدة ظهر حقدهم وكرهم لينا بدون اى مقدمات...
(وبمناسبة كلامك الكتير عن قضية فلسطين)...

الضربة لما تكون من عدو مش بتوجعك اوى لأن ده اصلا عدو وانت مش منتظر منه انه يقولك "يا حبيبى"

لكن لما تجيلك من حد انت كنت فاكره اخوك قلبك بيوجعك قبل الم الضربة نفسها...
الرد
شكر من طرف :
#27
اللى معاه يروح واللى معهوش ميرحش اممممم كده احنا دخلنا فى احتكار للكوره زى كل حاجه محتكرها الحزب الوطنى فى مصر وعلى فكرا انا قلت ان الحزب الموطنى مداش فرصه لحد يروح وانت مصمم ترجع لنفس النقطه وعلى فكرا الحزب الوطنى هوا اللى اتكفل انه يودى الفنانين يعنى محدش دفع حاجه هوا الحزب الوطنى مش الحزب الحاكم ومسؤل عن كل الشعب ليه يودى فنانين وميوديش مشجعين حقيقيين
---------------------------
وانا قلتلك احنا حرقنا علمهم زى محرقو علمنا ياريت نكون حياديين ولو انا قلت غير كده يبقى انا مش منصف ابدا وبعدين انا مدفعتش انت مصمم بردو انى بدافع عن الجزائرين لا اله الا الله انا قلتلك ان الاتنين غلطانين واللى كانو هناك مشجعين بالاسم مش بالصفه انا ولا نصفت مصر والجزائر "حكومات" وقلت ان الشعبين اضحك عليهم انت نفسك قلت اللى رحو هناك مسجلين خطر يبقى منقولش كل الجزائريين
وبعدين انت بتقلى بتكلم زيهم ياخى انا مصرى ومن البلد اللى وقفت وحربت عشان كل شبر فى مصر اللى هى السويس وكمان انا مسلم مينفعش اوقع الدنيا فى بعض عشان الولاء فى اخطاء انا قلتها من الجانبين وافتكر انا مدفعتش عن اى جانب فيهم انا قلت السلبيات بس وده قلب الموضوع
انا مش عارف يا بيبو بنائا على ايه انت بتقول انا بدافع عن الجزائر وبعدين انا فرقت بين الشعب والحكومه
------------------------
لالا معتقدش انى اتفرجت على فضئيات المصرين مشفوهاش لان النايل سات مصرى اساسا وبعدين انا بكلمك كلام انا سمعته من مثقفين مصر
وبكلمك بلسان ناس مش عاوزه فتنه مش كل اللى قلته انا ده وفى الاخر تقلى مش عارف انت متابع ازاى اخى بيبو اقرء الىل فوق وانت تعرف انا متابع ازاى
وبعدين متقليش ان احنا محصرناش الفلسطنين وان الفلسطنين ضربو المصرين ولما اقلك الاجابه السليمه تقلى انا مش هتكلم فى الموضوع ده
------------------------
ربنا يخليك يا بيبو وانت فعلا اخ عزيز وانا اتعلمت منك كتير واخذت مشورتك فى حجات كتير جدا
وربنا يديم المحبه وموضعنا ده مناقشه ساخنه مش اكتر واختلاف فى الاراء
------------------
وبالنسبه للسلام انا اقصد ان انت لما قلت ان مصر حمامة سلام طول عمرها وكان قصدى اوضحلك ان مفيش حاجه اسمها سلام احنا اللى اخترعنا السلام مع عدو لينا واسلمنا قال ان اليهود والنصاره مش هيسبونا فى حلنا غير لما ندخل فى دينهم
مكنتش اقصد فيها الجزائر خالص
----------------------
يأخى بيبو احنا مش عيشين فى ترفيه بس انت تعرف ان مصر من اغنى البلاد فى العالم وفى نفس الوقت من افقر شعوب الارض
لان النظام سرق البلد ونهبهة وده يخلينا نفكر ان الىل حصل فى السودان وراه يد خفيا
وبعدين احنا متعريين اه والبلد منهوبة وبردو هقلك ان ربنا كان اعلم بكل اللى هيحصل ده وعشان كده اوحى للرسول ان المصرين خير اجناد الارض
معنى كده اننا نقف جنب اخوتنا ونتكل على الله فى قصه عن الرسول عليه الصلاة والسلام فى اخر ايامه على ما اعتقد مش متذكر التاريخ
لما بعت رسول لدوله عشان تدخل الاسلام او يدفعو جزيه والدوله دى او البلد قطعو راس الرسول وارسلوه لسيدنا محمد
سيدنا محمد كان عنده تقريبا 40 الف مقاتل وهوا عارف ان اللى هيحربهم دول 100.000 مقاتل واكتر ومع ذالك اعلن الحرب عشان يبقا قدوتنا ان فى اوحش الظروف نتكل على الله فى الحق ونساعد المظلوم مبالك المظلوم ده مسلم وعربى
-------------------------------
إقتباس :بص يا طيب, الموضوع عربى لأنه بين مصر (عربية الأصل) والجزائر (اسف فهم اشباه عرب وليسوا عرب)
لكن هذا لا يخص اى قضية اخرى بين مصر واى دولة اخرى سواء عربية او غيرها..

اما عن الغلط اللى انت بتتكلم عنه, فالمصريين وصلوا لأى غلط عملوه بعد احداث ام درمان, لكن قبلها اى كلام اتقال انه حصل فى مصر فهو كدب (لأنى شوفت بنفسى)

كنت عند فندق اوروبا (لو تعرفه فى شارع الهرم)
يوم مامصر هزمت منتخب الجزائر, وكان في نزلاء فى الفندق جزائريين, قبل ماينزلوا الشارع كانوا بيشاوروا بشتايم للمصريين من نوافذ غرفهم (اظنك تفهم ما اقصد)..

فعند نزولهم كنت راكب انا سيارة فلوكس صغيرة بقرب من الفندق, اقسم لك ان السيارة تحركت من مكانها من تخبط الناس بها...

عارف الناس ليه كانوا بيتخبطوا بها؟ من جرى القوات الأمنية ورائهم لفزعهم وابعداهم عن الجزائريين...

اما موضوع الأتوبيس فأنا لا اظن انه اكذوبة, لكنه ليس مقياس, لأنه لم يكن متعمد ولم يتم التجهيز له ولم يتم ارسال هؤلاء الأشخاص بشكل متعمد (مثلما تم ارسال الجزائريين بالطائرات الحربية), ولا مدهم بسلاح (مثل السنج والمطاوى التى رأيناها كلنا) حدفوا بالطوب (اى شوية شباب يقدروا يعملوا كده بمنتهى البساطة) ومع ذلك القوات الأمنية حرصت على انهاء الموقف قبل تأذى اى لاعب جزائرى...

انا معاك فى اللى بتقوله وانت شاهد على اللى بتقوله لانك شوفته وانا قلت كذه مره انا مبدفعش عن الجزائرين انا بقول كلمة حق ان البلدين غلطنين
وادخل الرابط ده واقراء الموضوع ده ممكن تفهمنى اكتر

http://www.elfagr.org/NewsDetails.aspx?n...secid=3517

----------------------
إقتباس :انسى موضوع الفيديوا, لكن كلامك مش انتقاد, لأن انا نفسى بتنقد موقف الحكومة, لأنهم ما وفروش امن كامل لا للمنتخب ولا للجمهو, ولا جابوا حقنا بشكل يرضينا لحد دلوقتى, لكن انت بتقول الموضوع مش مستاهل, واننا شتمنا وافترينا و و يبقة انت بتهاجم مش بتنتقد..
انا قلت اننا شتمنا وافترينا لو كنت قلت كده فانا بقلك مش معنا كده انى بدافع عن الجزائر مره رابعه بقلك ان الطرفين غلطانين
ولو كنت اتكلمت عن مصر واتنقدتها اكتر فده عشان انا مصرى ويهمنى ان مصر تبص لاكبر من كده تقدر تقلى يعنى ايه مصر تختار السودان والحكومه تقول السودان اخوتنا وهيشرفونا والعروبه والدم ومصر والسودان واساسا احنا فى ارض عليها نزاع اسمها حلايب وشلاتين وحصل فيها حرب وبعد الماتش ترجع الحكومه تقول السودان خينه خانونا وباعونا ومفيش امن فى السودان والملعب كان وحش هما شافو ده بعد المباراه ولا عشان خسرنا ؟؟
-------------------------
بالنسبه لحكايت مندخلش العرب لا العرب فى الموضوع اقلك ليه
مصر عربيه والجزائر عربيه والسودان عربيه وقطر كمان عربيه وقالو ان قطر هى اللى سعت للفتنه لا واللى يغظنى ايه بقى ان الصحف الحكوميه القوميه فى مصر قالت اول حاجه ان صحيفة الشروق مموله من اسرائيل وبعد كده قالو لا الصحيفه الشروق ناطقه بالعربيه لصحيفة اسرائيلية وبعد كده نيجى لاهم نقطه قالو ان قطر بتمول صحيفة الشروق
نيجى لبقية العرب قالو ان تونس ضدنا وبيكرهونا وقالو ان ليبيا ضدنا وبيكرهونا ووقفو جنب الجزائر وقالو ان المغرب ضدنا وعوزه مصر تخسر
ماعلينا
--------------------------
جميل جدا اخر الكلام بس انا مفهمتش انت تقصد ايه
(وبمناسبة كلامك الكتير عن قضية فلسطين)...
وبعدين قلت

الضربة لما تكون من عدو مش بتوجعك اوى لأن ده اصلا عدو وانت مش منتظر منه انه يقولك "يا حبيبى"

لكن لما تجيلك من حد انت كنت فاكره اخوك قلبك بيوجعك قبل الم الضربة نفسها...
قصدك على الجزائر ولا الفلسطنين
--------------------
بصرف النظر عن الاخر الىل بتقول عليه فلسطينى او جزائرى مع انى اعتقد اعتقاد كبير انك تقصد الجزائرين
المهم لو هنتكلم عن كره العرب للمصرين دلوقتى وحبهم ليهم ايام عبد الناصر لما بومدين رئيس الجزائر دفع شيك لروسيا على بياض عشان السلاح يروح لمصر ده مش حب لمصر وبعد كل ده لما العرب يعتمدو على مصر انها خير اجناد الارض وبعد كل ده يتراجع الدور المصرى

من يومين شوفت مفكر على قناة دريم بيتكلم فى موضوع الكره ده طلع واحد على التليفون بيقله يا استاذ انا ليا قصه زمان كنت فى السعوديه
ايام النكسه وكنت رايح شغلى كان معايه واحد سعودي كل يوم يسلخنى ويقلى انتو كذه وكذه وكذه وعمله مشاكل فى شغله
الراجل بيقلك بعد حرب 73 الراجل السعودى ده جاله واعتزرله وقاله انتو رفعتو رسنا وانتو فعلا خير اجناد الارض
لما المصرى يرجع زى زمان صدقنى محدش هيكرهو
ونائب رائيس المخابرات السعودى السابق قال مصر لما كانت رائدة كان كل العالم العربى يتبعها ولما تراجعت تراجع معها العالم العربى
وانا تحليلى للى بيحصل ده هوا فعلا زياده ومحدش يقبله بالنسبه للجزائرين لكن بالنسبه للعرب ده عشم عشان مصر ترجع زى الاول
ومصر قادره انها تبقى اقوى دوله فى العالم بس لو حصل فيها ديمقراطيه
والديمقراطيه تنص على اختيار الشعب لحاكمه
انا عارف انى خرجت شويه عن الموضوع بس ده بردو فى اطار موضوع عربى بصرف النظر عن انه داخل
الرد
شكر من طرف :
#28
إقتباس :اللى معاه يروح واللى معهوش ميرحش اممممم كده احنا دخلنا فى احتكار للكوره زى كل حاجه محتكرها الحزب الوطنى فى مصر وعلى فكرا انا قلت ان الحزب الموطنى مداش فرصه لحد يروح وانت مصمم ترجع لنفس النقطه وعلى فكرا الحزب الوطنى هوا اللى اتكفل انه يودى الفنانين يعنى محدش دفع حاجه هوا الحزب الوطنى مش الحزب الحاكم ومسؤل عن كل الشعب ليه يودى فنانين وميوديش مشجعين حقيقيين

يا طيب انت اللى ليه مصمم على ان ده شئ اساسى والحكومة ملزمة تودى فيه الناس,,, دى مبارة كرة قدم, مش حرب عشان نلزم الحكومة تودى الجنود... دى مباراة شئ ترفيهى, كأنك عايز تروح السينما, لو معاك تروح, مش معاك تستنى الفيلم لما ينزل على التليفزيون وتشوفه...

إقتباس :وانا قلتلك احنا حرقنا علمهم زى محرقو علمنا ياريت نكون حياديين ولو انا قلت غير كده يبقى انا مش منصف ابدا وبعدين انا مدفعتش انت مصمم بردو انى بدافع عن الجزائرين لا اله الا الله انا قلتلك ان الاتنين غلطانين واللى كانو هناك مشجعين بالاسم مش بالصفه انا ولا نصفت مصر والجزائر "حكومات" وقلت ان الشعبين اضحك عليهم انت نفسك قلت اللى رحو هناك مسجلين خطر يبقى منقولش كل الجزائريين
وبعدين انت بتقلى بتكلم زيهم ياخى انا مصرى ومن البلد اللى وقفت وحربت عشان كل شبر فى مصر اللى هى السويس وكمان انا مسلم مينفعش اوقع الدنيا فى بعض عشان الولاء فى اخطاء انا قلتها من الجانبين وافتكر انا مدفعتش عن اى جانب فيهم انا قلت السلبيات بس وده قلب الموضوع
انا مش عارف يا بيبو بنائا على ايه انت بتقول انا بدافع عن الجزائر وبعدين انا فرقت بين الشعب والحكومه

اه احنا حرقنا علمهم,, لكن التوقيت كان امتى,, كان بعد احداث ام درمان, وكان امام السفارة الجزائرية,, يعنى كانوع همجى للرد على قلة الأدب اللى شوفناها منهم...
وبعدين انا مش بتهمك لما بقولك انت بتدافع عن الجزائريين, لكن كلامك اعزرنى مش منطقى انه يطلع من مصرى غيور على بلده,, الجزائريين فى المباراة اللى اتلعبت فى مصر,, اتعرضوا فيها لأشياء "تافهة مقارنة بردهم" لا تذكر, فأخذتها احدى الصحف (ولتكن صفراء) وكبرت المسألة وقالت ان فى جسس وقتلة وشهداء (مش عارف شهداء بمناسبة ايه)
من الجمهور الجزائرى اللى راح مصر (وطبعا مش محتاج اقولك على نفس الحدث اللى انا شوفته بنفسى عند فندق اوروبا)...
فابقة الرد بقة بالقوات الجوية (حكومة) وبوسائل الأعلام (انت ماقريتش جريدة الهداف الجزائرية؟ ولا انت مش متابع؟)
ومن الشعب نفسه اللى راح يشجع,, ولا شوف سلوك الاعبين نفسهم فى المبارة كان باين كل مايحويه من شر...

انا برضه حيادى, لكن اللى هما عملوه قطعوا بيه اى نقطة وصل كان ممكن الواحد يبص منهم عشان يوصل مابين الطرفين...

إقتباس :لالا معتقدش انى اتفرجت على فضئيات المصرين مشفوهاش لان النايل سات مصرى اساسا وبعدين انا بكلمك كلام انا سمعته من مثقفين مصر
وبكلمك بلسان ناس مش عاوزه فتنه مش كل اللى قلته انا ده وفى الاخر تقلى مش عارف انت متابع ازاى اخى بيبو اقرء الىل فوق وانت تعرف انا متابع ازاى
وبعدين متقليش ان احنا محصرناش الفلسطنين وان الفلسطنين ضربو المصرين ولما اقلك الاجابه السليمه تقلى انا مش هتكلم فى الموضوع ده

جايز ثقافتك غير ثقافتى,, يمكن انت بتقرأ لناس عقولهم اكبر من عقلى المتواضع,, لكن مع كل ده, مهما كان السبب (الكاذب) مش هاسامح للى حصل للمصريين فى السودان ولا حرق علم مصر...

اما عن موضوع فلسطين فانا ماقولتلكش انا مش هاتكلم فى الموضوع هنا عشان خايف انى اتابع الحوار معاك,, بس شايف ان الكلام بيتحرف عن اصل الموضوع ويتفرع فى الف اتجاه (وانت مصمم على اراء مجرد انها موجودة فى دماغك عايزها تبقة هى اللى صح) وده مش سهل بالنسبة لى انى كل مرة اقدر الاقى نص ساعة ولا ساعة اقعد اكتب فيها تعليق (امبارح عشان ارد على كلامك ضحيت بالساعة اللى كنت هانامها من يومين)

إقتباس :يأخى بيبو احنا مش عيشين فى ترفيه بس انت تعرف ان مصر من اغنى البلاد فى العالم وفى نفس الوقت من افقر شعوب الارض
لان النظام سرق البلد ونهبهة وده يخلينا نفكر ان الىل حصل فى السودان وراه يد خفيا
وبعدين احنا متعريين اه والبلد منهوبة وبردو هقلك ان ربنا كان اعلم بكل اللى هيحصل ده وعشان كده اوحى للرسول ان المصرين خير اجناد الارض
معنى كده اننا نقف جنب اخوتنا ونتكل على الله فى قصه عن الرسول عليه الصلاة والسلام فى اخر ايامه على ما اعتقد مش متذكر التاريخ
لما بعت رسول لدوله عشان تدخل الاسلام او يدفعو جزيه والدوله دى او البلد قطعو راس الرسول وارسلوه لسيدنا محمد
سيدنا محمد كان عنده تقريبا 40 الف مقاتل وهوا عارف ان اللى هيحربهم دول 100.000 مقاتل واكتر ومع ذالك اعلن الحرب عشان يبقا قدوتنا ان فى اوحش الظروف نتكل على الله فى الحق ونساعد المظلوم مبالك المظلوم ده مسلم وعربى

اعزرنى وسامحنى, بس اكتر حاجة مستفزانى فى كلامك, انى حاسس بوجود شعارات كتيرة فيه...
نتكلم بالبلدى شوية,, لما تكون انت نايم فى بيتك مش لاقى غير غطا واحد يا تتغطى انت بيه يا تغطى بيه مراتك, يا تغطى بيه ابنك الصغير,, طبعا انت ومراتك جيتم على نفسكم عشان تغطوا ابنكم الصغير (او انت كاحاكم منزل ظالم (بالطبع لست انت المقصود هذا مجرد مثال) اخدت الغطاء لنفسك)
هل تقنعنى ان لما يجى ابنك الكبير (الذى لديه ضمير) يقولك هات الغطاء, هايقولك هات الغطاء, سيطلبه لتغطية اخيه الصغير, ولا هايطلبوا عشان ابن امام الجامع مش لاقى يتغطى؟ اجابة السؤال ده المفروض بالمنطق, تقولك انا اقصد ايه بكلامى...
---------
بالنسبة للمقال اللى اشرت ليه, فاده برضه مش مقياس, يمكن بسبب عدم التنظيم, او الهمجية الناتجة عن التعصب (سواء فى مصر او عند هؤلاء الاخرين)

إقتباس :انا قلت اننا شتمنا وافترينا لو كنت قلت كده فانا بقلك مش معنا كده انى بدافع عن الجزائر مره رابعه بقلك ان الطرفين غلطانين
ولو كنت اتكلمت عن مصر واتنقدتها اكتر فده عشان انا مصرى ويهمنى ان مصر تبص لاكبر من كده تقدر تقلى يعنى ايه مصر تختار السودان والحكومه تقول السودان اخوتنا وهيشرفونا والعروبه والدم ومصر والسودان واساسا احنا فى ارض عليها نزاع اسمها حلايب وشلاتين وحصل فيها حرب وبعد الماتش ترجع الحكومه تقول السودان خينه خانونا وباعونا ومفيش امن فى السودان والملعب كان وحش هما شافو ده بعد المباراه ولا عشان خسرنا ؟؟

حلو من هنا كلامك بدأ يكون نقد حقيقى ومنطقى جدا انه يطلع من مصرى...
وانا مش مختلف معاك ان حكومتنا هى المذنبة الأولى فى احداث ام درمان...
ليس فقط لأختيارها للسودان, لكن لعدم تامين اللاعيبة والجماهير التى ذهبت بشكل يطمئن كل منهما, اللاعبين اثناء اللعب او المشجعين اثناء التشجيع...
وايضا حكومتنا مذنبا لعدم اتخاذها موقف مرضى حتى الأن وبتحاول تخلى الموضوع يعدى بمرور الأيام (ده بعينهم)

اه بالمناسبة,,, انا وقفت عضوية مصرى هنا فى المنتدى لأنه دخل سب فى الجزائريين سب علنى (يعنى مش سب بتعصب, ولا بتوجيه تهم, لا سبهم, ) هل مازلت ترى نفسك المحايد الوحيد فى الأمر؟

إقتباس :بالنسبه لحكايت مندخلش العرب لا العرب فى الموضوع اقلك ليه
مصر عربيه والجزائر عربيه والسودان عربيه وقطر كمان عربيه وقالو ان قطر هى اللى سعت للفتنه لا واللى يغظنى ايه بقى ان الصحف الحكوميه القوميه فى مصر قالت اول حاجه ان صحيفة الشروق مموله من اسرائيل وبعد كده قالو لا الصحيفه الشروق ناطقه بالعربيه لصحيفة اسرائيلية وبعد كده نيجى لاهم نقطه قالو ان قطر بتمول صحيفة الشروق
نيجى لبقية العرب قالو ان تونس ضدنا وبيكرهونا وقالو ان ليبيا ضدنا وبيكرهونا ووقفو جنب الجزائر وقالو ان المغرب ضدنا وعوزه مصر تخسر
ماعلينا

يا طيب, انت وانا والكثير من العرب, يعلمون ان هناك الدول العربية مقسمة, جزء منهم قليل مستقل, يحاول ان يساير اموره, مثل مصر, وليبيا وجزء اخر ينتمى الى دول بكستان وافغانستان ويمولون بعضهم لبعض ويقومون بالفتن بين الدول العربية لمصالحهم...

وجزء اخر ينتمى الى اسرائيل وامريكا,, ونحن جميعا نعلم هذه الأمور...

فاكل اللى بيوقع بين مصر واى دولة اخرى فالموضوع حاجة من اتنين, اما ان اللى بيوقع ده من احد القسمين المذكورين, او ان الدولة المشار اليها تنتمى لأحد القسمين...

فلا داعى للخوض فى هذا الحديث لأنى بصراحة, لست مثقف بدرجة كافية لأعطيك تفاصيل دقيقة (وحتى لو كان لدى التفاصيل لما عرضتها لأنها ستطور من الفتنة وتوسع مجالها اكثر)

إقتباس :جميل جدا اخر الكلام بس انا مفهمتش انت تقصد ايه
(وبمناسبة كلامك الكتير عن قضية فلسطين)...
وبعدين قلت

العدو فهو صهيون واحد, اما الأخ فأكيد اقصد من جعل من مباراة كرة قدم نقطة بداية لعداوتنا, وللأسف نتج عن ذلك انى انا كاشخص بسيط مصرى, لا استطيع ان اقبل اى جزائرى كا اخ او حتى مجرد صديق...

اما الفلسطيين, الواحد لما بيفكر فى حالهم, بيقول حتى لو هما اللى قتلوا (على فرض انك صح وانا غلط) المصريين على الحدود
فاربنا اللى يعلم بمدى الضغوط والمأساة اللى هما عايشينها, وينفع اننا نتغاضى النظر ونسامح مع مرور الوقت...

وبالنسبة لكلامك الأخير انا اتفق معاك فى اغلبه, لكنى مازالت ارى ان الجزائريين اعتدوا علينا واهانونا واننا لدينا حق ولن نقبل الا ان نأخذه...

مشاكلنا مع حكومتنا هايجى الوقت اللى نحلها, احنا بقالنا زمن ساكتين, بس السكات بيولد انفجار وده شئ يخص المصريين مش لازم نتكلم فيه فى موضوع بيشمل حد تانى غير المصريين (اسرار بيوت نحب نصونها لنفسن, مع ان ماباقاش فى اسرار, بس ماحبش انتقد بلدى ادام حد غريب, احب اخد حقى فيها ادام اخواتى واهلى وبس)..
الرد
شكر من طرف :
#29
اخى MR.A_H_M_E_D
انا مش هتناول ردك بالتفصيل لان اخى بيبو قام بالواجب
بس انا شايف ان كرهك للنظام والحكومة مأثر عليك جامد
مهما كانت الحكومة ومشاكلها ده ميمنعش غيرتنا على بلدنا
واننا نقبل الاهانة مادم هناك تجاوزات داخلية
وبعدين الموضوع مش موضوع حكومة خالص انا عايزك تتابع الردود على اليوتيوب من الجزائريين هما فعلا بيكرهونوا من غير ماتش ومن غير اى حاجه
الماتش ده كان النهاية مش البداية
ده وصل اللى انهم استهزئوا بالقرأن (سورة يوسف ) من اجل السخرية من مصر فقط
نعم الاسلام والمسلمين واللى يغيظ انهم فى الردود كلهم بيدافعوا عن هذا الفعل المنحط ويبرروا بكلام فاضى مش عارف اقولك ايه ولا ايه انا حاسس انك لم تتعمق فى الموضوع بما فيه الكفاية الموضوع ملىء بالتجاوزات التى لا يمكن التغاضى عنها
الرد
شكر من طرف :
#30
أبدأ كلامي بالسلام

أولا لماذا تم حظر الأخ Bestpublisher ؟

ثانيا أنا أرد على كل من هو قال أن مصر بدأت المشكلة في الصحافة في الحقيقة أنا شبه متعصب وعند فوز الجزائر فرحت لذلك ولكن بعد يومين من الحدث أصبحت أتعصب وأكاد أضرب كل جزائري في الإمارات بعد كلام صحفي جزائري مثل " سنتزوج مصر في اليوم المشهود " أهذا كلام يكتب أو يقال .

مع ذلك أنا ساكن في الإمارات ورئيس الدولة الشيخ خليفة يريد أن يقيم مباراة ودية بين الجزائر ومصر ( كما سمعت )

ومن الناحية الدينية سمعت ناس يقولون أن الجزائر حرفت القرآن من أجل المباراة وطبعا لن أكتب الكلام الذين قالوه في القرآن وحذفوا كل كلمة " مصر " في القرآن ولكني ( كما قرأيت في مشاركة في هذا المنتدى أو منتدى أخر ) هناك من لا يقبل هذه المباراة كمباراة وهناك من يمدح في مصر وهناك من يقدم الإعتذار

+ لماذا أرسل رئيس الجزائر 10 ألاف واحد على نفقة الدولة ؟
+ ولماذا رئيس الجزائر أرسل جميع الموجودين في السجن للسودان معاهم أسلحة ومطاوي ؟ ( كما سمعت )

+ هذا كله كانت الفيفا تريد مصر دفع تعويض لجزائرين وليها على الهجمات التي حصلت في الملعب + في دولة السودان ( كما شهد بعض السودانين مع الجزائرين بسبب رشوة أو الله أعلم ) لولا بعض الناس الذين صوروا ما حدث في السودان لكان الآن مصر مفلسة بكل معنى الكلمة

+ أنا لا أنكر أني مصري بدم مصري ولكن من هم خير جنود الأرض ؟

+ أذكر كل جزائري أنه تم عمل مقارنة بين القوات الأمريكية ( دولة إنجليزي ولست متأكد أنها أمريكا ) والقوات المصرية ( صعقاه ) وكما هو معروف دينيا خير جنود الأرض هي مصر أي أن مصر فازت في المقارنة وإن شاء الله نفضل خير جنود الأرض
الرد
شكر من طرف :


التنقل السريع :


يقوم بقرائة الموضوع: بالاضافة الى ( 1 ) ضيف كريم