ايه الفرق بين vb و mybb

[eurospine]

السلام عليكم
ايه هو الفرق بين المنتديين؟
وهل ال bb صحيح هيكون منتدي تجاري قريبا يعني هنرخص هنرخص ؟ لاني محتار وكنت ناوي ارخص واشتري نسخه vb و vbseo وعلي فكره انا منتداي الوقت شغال ب phpbb بس مغلبني وبزهق من التعديل علي الهاكات فهل mybb مثل phpbb يحتاج تعديلات؟
هل سهل اختراقه؟
وليه الناس اصلا بترخص مادام في منتدي يغنينا عن الفي بي ولا احنا دايما بندور علي الشيء الي بفلوس ظنا منا انه الافضل ؟
وده منتدايا http://www.eurospine2005.com/
تم تحويله ولا 100 مره ههههه يعني تقريبا كل المنتديات اشتغلت بها الا mybb لكن انشاء الله هحول الي bb قريبا لاني مستريح جدا في التعامل معاه

[Pepo]

وعليكم السلام
صراحة سؤالك ده من اول مافتحت المنتدى بتاعنا هنا وانا متوقع انه كان المفروض حد يسأله من بدرى
بس ده دليل انك بتفكر كويس

اولا نبدأ بأهم النقاط فى الفرق
1- الـ vb ترخيصه يحتاج مبلغ لا يقل عن 180 دولار - الـ MyBB مش محتاج اكتر من الأستضافة اللى هاترفعه عليها
2- الـ vb الدعم ليه بين العرب منتشر اكتر, لأن 90% بيستخدموا نسخ منزوعة الكود. وده بيخليهم مايقدروش ياخدوا الدعم من موقع الـ vb فابيلجؤوا للمنتديات العربية عشان الدعم, على عكس MyBB فهنا اذا لم تجد المساعدة التى تحتاجها سوف تذهب للمنتدى الأنجليزى وتحصل عليه بدون اى مشاكل.
3- الهاكات للـ vb كثيرة وانتشارها اكبر (وده بيفسر ليه هى مطلوبة اكتر عند العرب عشان احنا بنحب الصيت ولا الغنى).. الــ MyBB كمان ليها هاكات كتير بس للأسف انا بشتغل لوحدى عشان اطرحها هنا وساعات بيجى عليا وقت بصاب بالملل ومش بقدر اتابع واضع كل ماهو مفيد
وبإختصار.. اللى عايز منتدى جيد جدا ومجانى وبدون ترخيص فالـ MyBB افضل حل وده ناتج عن تجربة الـ MyBB فى نظرى لا يوجد اى اضافة هامة ليست متوفرة بها الا شئ وحيد وهذا ماننتظر توفره قريبا وهو ادماجها مع بعض البلوكات مثل الجملة. والورد بريس
وبالنسبة لسؤالك هل الأضافات به متعبة مثل الـ php اقول لك انسى الـ phpbb نهائى لا يوجد اى وجه مقارنة بين الأتنين
MyBB هى افضل بكثير وسوف تكتشف ذلك بنفسك على مر الوقت فى تجربتها

والسؤال بتاع ليه الناس بتدور على المرخص طلامة فى منتدى جيد مجانى.. اجابته زى ماقولتلك الناس بتحب الشكل الخارجى (وطبعا الـ vb استايلاتها متوفرة بشكل اكبر واستايلاتها اجمل بكثير من استايلات MyBB المتوفرة حاليا)
وكمان بيحبوا الشئ اللى كلهم بيستعملوه ماحدش بيحب يجرب الجديد غير نادر جدا.. اللى زيى وزيك بيستعملوا حاجة غير الـ vb

وبالنسبة لنقطة المنتدى هايبقة تجارى قريبا ام لا.. فهذه النقطة قالها لنا اكتر من مرة مبرمج النسخة نفسه اكثر من مرة انه لن يحدث ولن تكون MyBB نسخة اخرى من الـ ipb وتفعل مثلهم
لكن.. قال ايضا ان المبرمجين يحتاجون للبس والأكل والشرب. وكذلك هناك سيرفرات يدفع لها اموال.
لكن هذه الأشياء لن يتم اخذ حقها من نسخ الـ MyBB
كل الفكرة انهم فى المستقبل عندما يكون هناك انتشار اوسع للـ MyBB سوف يكون هناك خدمات اضافية او سوبر سيرفس
دى هاتكون بفلوس.. بمعنى مثلا, انك عايز تستخدم MyBB لكن ماعندكش اى خلفية عن ازاى تثبتها او تركب عليها مجلة او تصمم لها استايل او او او.. فيقومو هما بذلك عنك, ويضيفوا لك بعض الأضافات البرمجية واستايل خاص بك, بمقابل مادى معين. هذا هو كل مافى الأمر لكنها لن تصبح نسخة تجارية

ومعلومة اخيرة.. بالنسبة للأمان فى MyBB فهو امان تام بإذن الله واستطيع ان اؤكد انا هذه النقطة حيث انهم عندما يكتشفوا اى ثغرة تهدد الأمان بالنسخة فأنهم يقومو بالترقية واصدار اصدارة جديدة على الفور

[eurospine]

الف شكر علي ردك المفصل اخي وجزاك الله خيرا

[meroasd77]

بصراحه كان عندى نفس السؤال
طيب نفهم من الكلام ده ان mybb ملهاش علاقه خالص ب vb يعنى مش نفس المصمم ؟
بصراحه النسخه خفيفه جدا وجميله جدا جدا جدا
اما بخصوص الشكل فمع الايام هتنزل استيلات كتير وزى متعلمنا استيلات الVb ان شاء الله هنتعلم تصميم استيلات mybb وانا وراها ان شاء الله لحد معملها لان النسخه داخله دماغى جدا بس اى شي جديد لازم عايز شويه مجهود يعنى هو فى حد كان يعرف vb حتى يكتب فيها المشاركه ازاى ادينا بنتعلم انا كان عندى فى الخباسه كده نسخه vb منزوعه الكود طبعا الشركه اكتشفتها ووالله وانا شغال بعدل على المشاركه لقيت المنتدى طار فى الهوا شاشي بسبب انها طبعا منزوعه الكود وكمان شركه فى بلوتن سمعت والله اعلم انهم عينوا مراقبين عرب عشان يراقبو المنتديات العربيه مش فاكر العدد 250 تقريبا لان عملوا احصائيه لقو ان اكبر دول بتستخدم النسخ المنزوعه الكود هى مصر والسعوديه وعملو تحذيرات لشركات الاستضافه وفعلا شركات الاستضافه ابتدت تحذف كل المنتديات المنزوعه الكود .
اما عن مقارنه phpbb مع mybb فالصراحه مفيش وجه مقارنه ابدا حتى اخر اصدار من الphpbb برضو مش زى mybb
واسف طولت عليكم

[Pepo]

نعم اخى لا يوجد اى علاقة بين الـ vb والـ MyBB كل منهم شركة منفصلة عن الأخرى
لكن يوجد بعض التشابه بينهم فى كثير من الأمور
ومثلما قولت انت كل شئ فى اوله صعب وبعدها بيبقة سهل
وفى انتظار ان نرى بعض ابداعك مع MyBB

[meroasd77]

شكرا جدا لك يا اخى بيبو
وانا مصم ستايل من وجه نظرى انه اسلامى جميل بس vb كنت مصممه قبل ما اتعالج من الvb وطبعا انت عرفت من المشاركات انى لسه مبتدأ مع الmybb فأول ما ان شاء الله اتقن توزيع الاستايل معه وعد انه ينزل هنا قبل ما انزله فى المنتدى عندى بس احل شويه مشاكل فنيه كده عندى ومن عينى
ويارب اكون عند حسن ظنك وحسن ظن الاعضاء

[eurospine]

معظم الناس بتفتكر منتديات MYBB هيا VB لان نفس خصائص الفي بي اخدها منتدي MYBB وبعض خصائص IPB اخدها منتدي MYBB وطور عليهم بحيث جعله مرن في التعامل مش معقد زي منتديات اخري واقصد PHPBB3 وقمت بحذفه هو واعضاؤه ومواضيعه لاني زهقت منه بصراحه وكان عندي تقريبا 800 موضوع واكتر من الف عضو فحذفته لما ملقتش سكربت تحويل من PHPBB الي MYBB

[Pepo]

اولا مشكور اخى الطيب meroasd77 وان شاء الله هاتكون عند حسن ظننا
ثانيا تعليق صغير فقط على كلامك اخى الطيب eurospine
منتديات MyBB لم تأخذ اى شئ من اى منتدى اخر, لكنها مثلها مثل الكثير من المنتديات
اضافة الكثير من المميزات لنفسها لتتميز به عن غيرها من المنتديات المجانية

[YoUnEsS]

السلام عليكم
شكرا لكم اخواني على هده المعلومات القيمة
انا كان هدا السؤال بيدور في راسي كثيرا
و الحمد لله وجدت جوابه
بارك الله فيكم جميعا و جزاكم الله خيرا
تحياتي

[MGadAllah]

إخوانى الأعزاء
أنا كنت مدمن لـ أى بى بى لكن عملوا فيا مقلب لما بقوا بفلوس
وانا كنت هادفع والله الـ 150 دولار بس لما ركزت كده شوية لقيت إن السوفت وير نفسه ما فيهوش حاجة فظيعه يعنى، وكمان كنت هاجيب الجاليرى والبلوج
وعشان كده قعدت أدور على النت على كل الريفيوز اللى بتتكتب عن الـ اى بى بى وفعلاً لقيت إن دى مش وجه نظرى لوحدى ولكن فى ناس كتيرة ليها نفس رأيى
عشان كده قولت لازم اغير بس ما كونتش لاقى بديل لحد لما لاقيت الـ ماى بى بى
انا عمرى ما استعملت الـ فى بى
لكن لحد دلوقتى ماى بى بى فعلاً كويس جداً ما فرقش كتير عن الـ أى بى بى
واساساً هو يعتبر لسه جديد ، يعنى النسخ اللى جايه هاتبقى أحسن بكتير ان شاء الله
وأنا كنت سألت فى المنتدى الأصلى عن تحويل السوفت وير الى تجارى فى فترات قادمة و فعلاً الناس أكدوا انه لن يحدث أبداً و عندما وضحت تاريخى الذى حدث مع اى بى بى أكدوا لى أن هذا لن يحدث وان هما زهقوا من اسئلة المستخدمين بهذا الخصوص
بس نعمل ايه اللى اتلسع من الشوربه بينفخ فى الزبادى
بالنسبة لجزئية الربط مع البرامج الأخرى هو فعلاً فى إمكانية للربط مع الـ إم كيه بورتال وموجوة فعلاً
وفى هاك علشان تربط مع الورد بريس و شغال كويس
بس لسه جومله وحاجات تانيه مش موجودة
وبالنسبة لتحويل الداتا بيز هو فعلاُ ينفع تحويلها للماى بى بى بس انا عرفت المعلومه دى متأخر، وفقدت كل الأعضاء والمواضيع اللى كانت موجودة عندى لدرجة ان الأعضاء مشيوا ومش عاوزين يرجعوا هاهاهاها
يعنى ممكن تحول من بى اتش بى بى بى الى اس ام اف و بعد كده تحول لـ ماى بى بى وفى كذا طريقه تانية بس هى عاملة زاى ما تروح مصر الجديدة عن طرق اسكندريه بمعنى التحويل من حاجة لحاجة لحد لما ينفع تحول لـ ماى بى بى
وانا فى نظرى الماى بى بى جمع ما بين الـ اى بى بى والـ فى بى
وانا خلاص نويت ادخل بعمق فى الإتش بى والـ اتش تى ام ال و الـ سى اس اس وكمان عاوز اشوف موضوع تصميم الإستايلات علشان انا دلوقتى اللى بعمله إنى بصمم الألوان والأيقونات بس كل الإستايلات بتكون بنفس الشكل الخارجى فا الله المستعان
انا والله حابب إنى اساعد الأعضاء هنا كتير
اانا الحمد لله الإنجليزى بتاعى كويس اوى وفعلاً بيسهل لى حاجات كتيرة و عندى طولة بال على الحاجة فا شوية شوية كوله هايبقى تمام ان شاء الله
وبالمناسبة صحيح انا الإستايلات اللى أنا عملتها لو حد عاوزها انا تحت امروكوا
وكل سنة وانتوا طيبين
شكراً
محمد