ح غنيلك عادل الحلبي

[وداع عادل]

[/align]


ح غنيلك
عادل الحلبي

ح غنيلك
ودمى زيت في قنديلك
يا ساقية الكل من نيلك
ومن جلدي ..
نسجت التوب
وغازل قلبي منديلك
و كام ميت عهد
يا أم الســعـد ..
أكون حارس على ليــلك
وأكون فارس و أخطيلك
جبــال ورمــال
وألف هـــــلال
يا قلبي و غنوتى و طيري
ومين غيري ..
في نن العــــين
راح يشــيلك و يغـنيلك
يا ساقية الكل من نيلك

ولو تناديني أنا أجيكى
بتــوب لــ ( حّـــرام )
أفــز قـــوام
ولو ع القبلة البيكى
وأكـــون خـــدام ..
أشيل كفني على كتافى
وألف الدنيا دى حــافي
في ثانية وقلبي متعافي
وأقول شبيكى لبيكى
أنا الراكـع مطاطيلك
وقلبي تحت رجليكى
بيـتبخـــر و يـرقيـلك
و يدعيلك و يناجيكى
ويتمنى يغنيلك
يا ساقية الكل من نيلك

نسيمك دا اللي وضانى
بمِــسك و حِـنــه رباني
يا ضــــلاية ..
نخـــيل طــــارح
يا قــمــرايـة ..
نســيم ســـــارح
يا قبلة ما بعدها أول
وجنه ما بعـدها تانى
يا أمي وأبويا و أوطاني
لفين ما بعدت ما نساكي
و بلقاكى محاوطانى
الأغيــكي .. تنـاديني
أناديــلك .. تـلاغـيني
وأنسي بإنى وحـداني
أنا بُكـّره .. أنا أمبارح
أنا الذكرى .. أنا جيلك
جميلك دا اللي خـلاني
أعيش العمــر أغـنيـلك
يا ساقية الكل من نيلك

حبيبتي يالمــه غـربتنا
وداعية الكل على بيتنا
وعـقــد الفـُـــل متعـنقد
ومتعـلق بـ ( عنبـيتنا )
منايا ما تخــلفي ظني
بقالي عمر على بابك
و بستني الرضا عنى
أوضي أيــديا بتـرابك
و بتمـني أكـون طـوبة
وأكون بنا على عتـابك
ودمعـه وتوبة برحـابك
وشيخ زاهد في محرابك
و أخد من عمري و أديلك
يا جمرية .. يا حنية .. يا جنية
يا أحلى وأغلى ما فِيه
ح أغنيلك
يا ساقية الكل من نيلك

ترابك كحـل في عيوني
وأسمك ضلع في جبيني
وعِشقك ســر تكويني
وبـُعدِك نار بتكويني
تهـون الروح ولا تهوني
يا أجمـــل ما رأت عيني
يا عمري و دنيتي و ديني
و حشتينى و حشتينى و حشتينى
بقــرآنك و أنجــيلك
ومين في الدنيا دى قدى
أســبلِك و أتنهــد
و أرتِلك .. وأتشــهد
و أقعد تحت ( توتِتِنا )
لحد العصــر ما يعدى
الملم قد كام ( توتِه )
وأبل بريقي وأديلك
عسي ما تِكسفِي يدي
وأتمدد و أحكيلك
في كام ميت ألف حدوته
وأسهــر في الهوى ليلك
وأغنيلك
ودمى زيت في قنديلك
يا ساقية الكل من نيلك
ومن جلدي ..
نسجت التوب
وغازل قلبي منديلك
ح غنيلك و أغنيلك و أغنيلك
و أغنيلك و أغنيلك
و أغنيلك



[align=center]