قصائد غزل مضحكه

[الشاعرالبسيط]

تم الأعلان بأحد المنتديات الأدبية عن مسابقة فى كتابة أغنية موضوعها ميعاد يتقابل فيه واحد بواحدة
وقام أحد الشعراء بمداعبة المسابقة والمتسابقين ربما لعدم قناعته بالفكرة فكتب القصيدة التالية"ـ
شعر فكاهى أهديه إلى الأخوة المتسابقين
( إدّيتها ميعاد ومانيش رايح )
************
إدّيتها ميعاد ومانـــــيش رايح
أصلها مشبوهة وش ّ فضايح
دنا آخر مرة امّا شافونـــــى
الناس ويّاها قاموا زفّــونــى
بطحونى وسال دمى صفايــح
وحياة ربنا بقى مانـــا رايـــح
************
دنا ممكن اروح لها فى ميعادى
ألقاها بتضـــــحك كده عــــادى
والمخبر بيفتــــش فيــهـــــــــــــا
ويحطّ كلبشات فى إيديــهـــــــــا
ويقول لها ( قدّامى ياروايـــــح )
وحياة ربنا بقى مانـــا رايــــــح
**************
بلا حب يا(طيبة) بلا ديــــاولو
والنعمة مااروح مهما تحاولـــوا
دى سوابق ونا مالى ومالهــــــا
المطوة تمللى ف سروالهـــــــــا
ويوماتى بتدبح فى دبايـــــــــــــح
وحياة ربنا بقى مانـــا رايـــــــح
*************
باسألها ف يوم : بتحبّــينــــــى ؟
قالت : وباحب ( الشربينــــــــى )
وف إيدى حوالى عشَر خُـــطّــاب
وباموت فى(أسامة)وفى(الخطّاب)
وماتـُحْـكـُمنيـــــش أى لوايــــــــح
وكتاب ربنا بقى مانا رايــــــــــح
أصلها مشبوهة وشّ فضايـــــــــح

الشاعر
عبد الناصر حجازى
بورسعيد / مصر

والأسماء المستخدمة
* طيبـــــة ــ أسم صاحبة الفكرة بالمنتدى
* الشربينى ــ للشاعر أحمد الشربينى من دمياط / مصر
* أسامة ــ الشاعر محمدأسامة البهائى بورسعيد / مصر
* الخطاب ــ الأديب الشربينى خطاب شربين دقهلية / مصر