2007-12-10, 06:54 PM
إقتباس :هذا المنتدى مبنى على مجهود شخصى كما لاحظت وامكانيات شبه محدودةانا فاهم الفكرة دي كويس جدا وانا جربتها...انا طالب في معهد هندسة في مدينة 6 اكتوبر
وقمت بعمل موقع كامل للمعهد على حسابي الشخصي ولم اقبل المساعدة من اي احد
ولكن هناك فرق بين المنتدى هنا وموقع المعهد..فموقع المعهد يستمد قوته من 500*5 طالب
وهذا ماجعلني اتفق معاك على كلامك.
إقتباس :لكن ماذا حصدنا من هذا؟ 80% من اعضائنا (السابقين على الأقل) مع بداية نجاحهم فى بناء منتداهم يبدأو بمحاربتناهذا هو حال العرب للأسف.
سواء نقل المواضيع, او مراسلة الأعضاء لدعوتهم لمنتدياتهم, او بطرق اخرى كثيرة
انا عندي اقتراح وارجوا ارجوا ارجوا النظر إليه جيدا وهو في نفس الوقت مناشدة للاعضاء هنا
ليه ميتمش عمل فريق للدعم الفني يكون هذا الفريق على قد ما يقدر انه يساعد باقي الاعضاء الجدد بوجه خاص
ويكونوا تحت اسم مجموعة جديدة وتسمى فريق الدعم الفني واظن ان عمل هذه المجموعة سيكون له ايجابيات كثيرة.
وتكون من وظايف هذا الفريق:
1-محاولة ايجاد حلول للمشاكل وذلك من خلال الدعم الفني لمنتديات ماي بي بي الام.http://community.mybboard.net/
2-ترجمة الدروس والمواضيع اللي مجودة هناك وطرحها هنا في المنتدى وبكدة هنبدأ في تغيير
الاعضاء للاحسن.
وفي نفس الوقت يكون لهؤلاء مميزات خاصة عن باقي الاعضاء وهذه المميزات تكون اما مثلا ان يتم عمل منتديات هنا خاصة بهم لا يدخلها غيرهم وده ممكن يحبذ الباقيين للنشود لدخول هذه المجموعة. (انا اقترح هذا الاقتراح وانا لا افقه شيئا في الدعم ولكني عاهدت نفسي اني هقدم كل اللي اقدر عليه وذلك ردا لجميل الكثير من الناس اللي ساعدوني وبقوا قدوتي في عالم المنتديات).
انا بقترح الاقتراح ده للأسف اني بقول ان احنا العرب (الاغلبية) فعلا مينفعش معانا غير كدة.
بمشاهدة الفرق بيننا وبين الغرب سنجد اننا .....لن اكمل.!
وهناك نقطة تانية:
انا دخلت على المجموعات الموجودة هنا وفوجئت ان الادمن كانت اخر زيارة ليه يوم 2007-11-22 وله 3 او 4 مشاركات فقط..ولكن انا عايز اعرف هو مش انت يا بيبو الادمن ولا في شخص تاني؟؟
وكمان باقي المجموعات مفيش مشرفين غير 3؟؟؟؟؟ وده ادى إلى ان يكون المنتدى متلغبط بمعنى اني بشوف مواضيع كتير جدا مش في مكانها يعني بالصدفة لقيت في منتدى "لشكاوى والتبليغ عن المشاركات المخالفة" تحت قائمة اخر مشاركات ان اخر موضوع محطوط هناك باسم "اقتراح" هل هذا يعقل؟؟؟؟ده غير ان في كتير من المواضيع الاخرى .
انا اللي مدايقني بجد في النقطة دي ان المفروض ان ده منتدى اساس اعضاؤه انهم اصحاب منتديات يقوموا يجوا في المنتدى هنا ويحسسوا الواحد اكنهم اول مرة يستعملوا منتديات!!!!!
يا جماعة اقسملكم بالله ان كل كلامي قصدي بيه اننا نرتقي بمنتديات ماي بي بي العربية لاني فعلا لما استعملتها عجبتني جدا ولكني في شدة حزني للي شايفه هنا في منتدى الدعم الفني (الرسمي ) للمنتديات دي.
وفي الاخر هيكون النفع لينا احنا كاصحاب منتديات مش لاي حد تاني....
ياريت بجد يكون في ايجابية شوية وياريت اعرف رأيكم في الاقتراح اللي قلته وياريت يكون اخي الحبيب بيبو
في المقدمة لمعرفه هل في امكانية لهذا الاقتراح ام لا!!!!
سلامي للجميع