2008-01-27, 12:05 AM
من حوالى 3 ايام حبيت اخد جولة طويلة شوية على جوجل واشوف حالة منتدانا بين المواقع ظروفه ايه
ومين مع مين. من ضمن الفحص والتمحيص اللى قمت بيهم وقعت على موقع تركى
بيتكلم عن منتديات mybb واد ايه النوع ده من المنتديات ممكن تهيئته بشكل كبير لمحركات البحث.
(طبعا انا ماكنتش فاهملهم ولا كلمة . استعنت بصديقة ليا زوجها تركى وبتعرف تتكلم تركى كويس)
كان من ضمن الموضوع واللى لفت نظرى وخلانى استعين بصديقتى عشان تترجملى اللى هما بيتكلمه عنه.
انى لاقيت صورة زرار اضافة موضوع جديد الموجودة بمنتدانا
ولاقيت لينك لموضوع من اللى انا كاتبهم فى قسم اشهار المواقع.
المهم كان ملخص الموضوع, انهم عاجبهم حجات كتير من اللى انا عاملها فى المنتدى لتهيئته لمحركات البحث
زائد كام حاجة تانية فى المنتدى نفسه هما شايفين انى عدلت عليها للأحسن
واللى كان حاطط الصورة واللينك فى الموضوع ده بيعرف عربى كويس وبيشرحلهم الشئ اللى عاجبه فى المنتدى عندنا
وقايلهم انى ممكن اتناقش معاهم باللغة الأنجليزية وحاططلهم صورة زرار اضافة موضوع جديد عشان لو حد منهم حب يسأل فى حاجة..
ماتتخيلوش الموضوع ده فرحنى اد ايه!
رغم ان احيانا بحس بإحباط فى منتدانا الا ان اوقات بشوف حجات زى كده بتخلينى اطير من الفرحة واحس ان
مجهودى بيعود عليا على الأقل بشئ معنوى كويس.
لحد كده كنا بنتكلم فى الأحساس الجميل.
اللى بعده
اول امبارح دخلت على ادوات اصحاب المواقع الخاصة بجوجل, لاقيت ان جوجل فيه مشكلة مش قادر يدخل المنتدى عندنا.
اخدت الموضوع بكل بساطة وقولت ادور على اخر حجات عملتها واعرف مصدر الخطأ وكل شئ هايرجع زى ماكان.
لكن تأتى الرياح بما لا تشتهى السفن. (مش بتتقال كده برضه؟)
المهم بعد حوالى اربع ساعات من المجهود المكثف مش لاقى اى حاجة فى المنتدى بحد ذاته فيها مشكلة.
قولت طيب كده تمام انسى فكرة انى ادور فى المنتدى نفسه واشوف الإستضافة كده مافيش حاجة ممكن تسبب المشكلة غير من عندهم.
اتصلت بالسابورت قولتله تعالى اونلاين على الماسينجر. الراجل كتر خيره فى دقيقتين كان معايا على الماسينجر.
سألت فى اى حاجة غيرتها فى الـ dns؟ قال لا, طيب فى اى ارور بالنسبالنا فى اعدادات النت وورك؟ برضه لا!
طيب انت عملت بلوك لجوجل من السيرفر قال لا!!
مع كل كلمة لا كان بيقولها كنت انا بتجنن اكتر
مارديتش اتقل عليه وقولت ادور انا تانى لحد اما اوصل لمشكلة واضحة عشان اقدر اقوله فى مشكلة كذا حلها.
عملت كام سيرش وقريت شوية مقالات حوالى 8 ساعات. واكتشفت ان فعلا فى خطأ فى الـ dns بس بتاع الدومين
يعنى مالهوش علاقة بالإستضافة..
ظبط الأخطاء وكل حاجة بقيت تمام.. بس لسة جوجل شايف فى عفريت فى المنتدى عندنا مش عايز يدخل
كل اللى فات ده كان حجات عادية بمر بيها كتير.. لكن الجديد انى ماباقيتش لاقى حاجة ممكن تكون هى المشكلة
طيب فين المشكلة؟ قولت يمكن جوجل بيتوهم مثلا ومافيش عفاريت عندنا فى المنتدى ولا حاجة.
دخلت على الجروب الخاص بأصحاب المواقع وفتحت توبيك جديد قولت عشان لو المشكلة عند الناس كلها اطمن انا شوية. المهم فتحت الموضوع واستنيت حوالى 3 ساعات عشان اشوف التعليقات.
كل التعليقات اللى جاتلى كلهم محتارين زيى ومش عارفين مصدر المشكلة وبالذات انى قولتلهم انى كلمت الهوست ومافيش مشكلة بالنسباله. كانت ساعتها الساعة وصلت حوالى 5 الفجر ولاقيت نفسى خلاص دماغى وقفت
ولو فضلت قاعد اكتر من كده ممكن ابوظ مش اصلح. قولت ادخل انام واكمل بكرة.
وجيه بكرة ويا سلام على بكرة. كل التعليقات نفس الموضوع وضحولى بس اخطاء اضافية كانت غيبة عنى وصلحتها فى ساعتها ولسة المشكلة موجودة. مع ان كل حاجة بجربها نتائجها بتقول ان مافيش اى سبب ان جوجل مايقدرش يدخل المنتدى
عنها بقة وانا هنا كنت وصلت لمرحلة الأصعب احساس. تخيلوا ان 80% من زوار المنتدى
بيجوا المنتدى عن طريق جوجل بس. وطبعا ده مش مجهود يوم وليلة عشان اوصل لكده
ده مجهود اكتر من 10 شهور و 10 شهور زى دول والواحد بيشتغل بنسبة 70% لوحده بيعدوا كأنهم اربع خمس سنين.
فى اللحظة دى تخيلت ان كل المجهود ده ممكن يضيع فى لحظة دماغى بقيت بتلف.
وكل اما ادخل المنتدى ابص الاقى كل الموجودين اول عن اخر حوالى 12 زائر ومافيش اعضاء غيرى
واحيانا الاقى عضو او اتنين معايا. مش هاوصفلكم الأحساس لكم ان تتخيلوا..
المهم بالصدفة ابو طارق كلمنى على الماسينجر بيقولى المنتدى مش بيفتح ليه؟
قولتله لا بيفتح شغال عندى! قالى لا مش بيفتح عندى. فى اللحظة دى كأن الروح رديت فيا لأنى عرفت ان كده احتمال كبير تبقة المشكلة من السيرفر ودى حاجة مقدور عليها. المهم
قولت لأبو طارق انت عايز حاجة من المنتدى دلوقتى؟ قالى فى موضوع كنت عايز احطه قبل اما ادخل انام
قولتله لا ادخل نام ولما تصحى ابقة حطه براحتك.
وبدأت من تانى اعمل شوية فحص على السيرفر لاقيت ان فعلا فى حجات بدأت تظهر ماكانتش ظاهرة قبل كده
يعنى مثلا لما اجى اعمل فحص للـ headers بأى اداة يقولى الرابط خطا!
فى ساعتها كلمت الهوست وصفتله الموضوع. الراجل متأخرش الموضوع اخدله حوالى ساعتين على بال ماهو خلص حجات كان بيعملها وحللى المشكلة.
بس كده المشكلة اللى اتحلت ان المنتدى رجع يشتغل تانى,, بس فين جوجل؟ جوجل لسة شايف ان فى عفريت عينه بتنور فى المنتدى وخايف يقرب نحيته.
فين على بال ماقدرت اجمع تفكيرى وركزت شوية وراجعت حساباتى تانى
قولت طيب جوجل ايه اللى يمنعه من دخول اى موقع زى منتدانا مثلا..
لاقيت ان مافيش غير هما 3 حجات الـ firewall واخطاء الـ dns و الـ mod_security
بدأت احسبها حاجة حاجة. اولا الـ firewall مش بيعمل بلوك لأى اى بى غير لو الأى بى ده بيعمل فلود على الموقع بشكل كبير (وده مش بيحصل من جوجل). او فى حالة انه الأى بى اتعمله بلوك يدويا. وطبعا على كلام السابورت هو ماعملش بلوك ولا حاجة.
طيب مشاكل الـ dns اللى اتسببت ان الموقع وقع. واتحلت ومافيهاش مشاكل.
يبقة مش ناقص غير المود سيكيورتى وده برضه مش سهل انه يعمل بلوك لجوجل من نفسه الا فى حالة ان شاف ان جوجل بيزور اى موقع على السيرفر بشكل اكبر من العادى (على حسب علمى)
قولت هو بقة مافيش حاجة رابعة فى الموضوع هو المود سيكيورتى الواحد يجرب يعطله ويا صابت يا خابت.
وسبحان الله كأن الغرقان لما اتعلق بقشاية انقذته.
انا عطلته من هنا. والعفريت اللى كان مخوف جوجل طلع يجرى
بس اللى كنت مستغربله. ان المود سيكيورتى موجود على السيرفر من ساعت ماشتغل. ايه اللى جد؟ مع ان الراجل الطيب بتاع السابورت قالى انه ماعملش بلوك لجوجل ولا حاجة.
روحت مكلمه تانى قولتله المود سيكيورتى عامل مشكلة مع جوجل وكل المواقع اللى على السيرفر كده جوجل مش هايدخلها الا لو عملوا زيى وعطلوه. وطبعا غلط اننا نعطله. طب والحل؟
قالى هاشوف الـ logs بتاعته يمكن فيها حاجة غايبة عننا.
دقيقتين وقالى جوجل معموله بلوك من المود سيكيورتى بقاله يومين
طبعا مش هاوصفلكم شعورى هو قال كده وانا اتجننت. يعنى لو كنا اخدنا بالنا من الموضوع ده من اول يوم كنا حلينا الموضوع من اول يوم.
المهم الحمد لله حلينا المشكلة والسيرفر ماباقاش فيه مشاكل مع جوجل.
على اد كل الأفكار الصعبة جدا واللى كانت مضايقانى جدا من اللى حصل ده
الا انى استفدت خبرة اكتر منها
1- قريت مقالات مفيدة عن شوية طرق ممكن تخلى اى حد عنده امكانيات وخبرة كويسة انه يخرب اى سيرفر تانى مش محمى كويس. وطبعا ده مش حال السيرفر عندنا, لكن ده مقال قريته وانا بحاول اعرف الغلط فين.
2- عرفت ان احيانا فى مشاكل فى وقتها وفى ذروتها بتبان مستحيلة انها تتحل مع ان الحل ممكن يكون ابسط مايكون.
3- استفدت جدا لأنى عرفت اد ايه الضيقة والخنقة ممكن تعمى الواحد عن حل المشكلة مع ان الحل ممكن يكون ابسط من الشكل اللى احنا شايفينه واحنا متضايقين او متعصبين.
4- وهو الأهم. انى قدرت استعيد ثقتى بنفسى وقدرت ماخجلش من طلب المساعدة من ايا كان طلامة عجزت عن حل المشكلة بنفسى.
ناقص اخر حاجة بس
التحلية الأخيرة او المرارة الأخيرة.
يادوب ان خلصت من كل الأرهاق اللى كنت فيه وبدأت افوق وعايز ادخل المنتدى وانا مركز شوية
قولت اعمل كوباية شاى. وياريتنى مافكرت فيها.
لاقيت برنامج الطبعة الأولى بيتكلم عن احتلال قاموا بيه الفلسطنين!
فى اللحظات الأولى كنت سعيد جدا. ومرة واحدة نزلت عليا صاعقة ودوش ساقع خلانى عاجز
250 الف فلسطينى احتلوا سينا! واااااااااااااو
يأسوا من انهم يستردوا ارضهم او انهم ياخدوا حقهم من الصهاينة قالوا خلاص نغتصب ارض مصر.
اكتر حاجة زعلتنى
ان انا شخصيا ليا اصحاب كتير فلسطنين عايشين فى مصر وعايشين عيشة ميسرة يمكن اكتر منى انا مع انى مصرى وانا واللى زيى احق بخير بلدى.
وكلم دخلوا مصر لاجئين ومصر رحبت بيهم ولاقوا ترحيب كويس وتوفير اماكن اقامة (مابتحصلش مسألة توفير اماكن الإقامة دى مع المصريين نفسهم, وبتحصل معاهم)
ومع ذلك اول مايأسوا قالوا نضرب فى مصر والمصريين
4 عربيات اسعاف شايلة عساكر وظباط مصريين من على حدود مصر فى سينا جرحى وقتلى على يد فلسطنيين (ياه على القسوة) وعربية شرطة فجروها.
و...... ماردتش اكمل متابعة للموضوع اكتر من كده لأن كان لحد كده كنت تعبت واتنكدت جدا.
بعدها عرفت ان الحكومة المصرية استضافتهم استضافة كويسة ووفرتلهم اماكن للمعيشة مع اهل سينا
وغير المعونات اللى وصلتلهم من اكل وشرب واساسيات للعيشة.
بصراحة رغم كل المساوئ اللى اعرفها عن الحكومة المصرية الا ان موقفها مع الفلسطنيين تفكير عاقل جدا احييهم عليه. لأننا عندنا مشاكل اكبر من كده المفروض نحلها الأول قبل اما نتنازع مع بعض ونقتل فى بعض.
ومع ذلك تفاصيل الموضوع ماقدرتش اكملها ولا اتابعها ولا اتعمق فيها اكتر من كده واكتفيت بالشلل اللى حصلى وانا بسمع الجزء ده..
كده حكيتلكم حوالى 3 ايام كنت شبه مش موجود فيهم فى المنتدى واللى حسيت فيهم ان قلة وجودى فى المنتدى ضعفت نشاطه بشكل ملحوظ. عشان كده حبيت افضفض معاكم شوية وسورى اذا كنت طولت عليكم.
بس وحشتونى
ومين مع مين. من ضمن الفحص والتمحيص اللى قمت بيهم وقعت على موقع تركى
بيتكلم عن منتديات mybb واد ايه النوع ده من المنتديات ممكن تهيئته بشكل كبير لمحركات البحث.
(طبعا انا ماكنتش فاهملهم ولا كلمة . استعنت بصديقة ليا زوجها تركى وبتعرف تتكلم تركى كويس)
كان من ضمن الموضوع واللى لفت نظرى وخلانى استعين بصديقتى عشان تترجملى اللى هما بيتكلمه عنه.
انى لاقيت صورة زرار اضافة موضوع جديد الموجودة بمنتدانا
ولاقيت لينك لموضوع من اللى انا كاتبهم فى قسم اشهار المواقع.
المهم كان ملخص الموضوع, انهم عاجبهم حجات كتير من اللى انا عاملها فى المنتدى لتهيئته لمحركات البحث
زائد كام حاجة تانية فى المنتدى نفسه هما شايفين انى عدلت عليها للأحسن
واللى كان حاطط الصورة واللينك فى الموضوع ده بيعرف عربى كويس وبيشرحلهم الشئ اللى عاجبه فى المنتدى عندنا
وقايلهم انى ممكن اتناقش معاهم باللغة الأنجليزية وحاططلهم صورة زرار اضافة موضوع جديد عشان لو حد منهم حب يسأل فى حاجة..
ماتتخيلوش الموضوع ده فرحنى اد ايه!
رغم ان احيانا بحس بإحباط فى منتدانا الا ان اوقات بشوف حجات زى كده بتخلينى اطير من الفرحة واحس ان
مجهودى بيعود عليا على الأقل بشئ معنوى كويس.
لحد كده كنا بنتكلم فى الأحساس الجميل.
اللى بعده
اول امبارح دخلت على ادوات اصحاب المواقع الخاصة بجوجل, لاقيت ان جوجل فيه مشكلة مش قادر يدخل المنتدى عندنا.
اخدت الموضوع بكل بساطة وقولت ادور على اخر حجات عملتها واعرف مصدر الخطأ وكل شئ هايرجع زى ماكان.
لكن تأتى الرياح بما لا تشتهى السفن. (مش بتتقال كده برضه؟)
المهم بعد حوالى اربع ساعات من المجهود المكثف مش لاقى اى حاجة فى المنتدى بحد ذاته فيها مشكلة.
قولت طيب كده تمام انسى فكرة انى ادور فى المنتدى نفسه واشوف الإستضافة كده مافيش حاجة ممكن تسبب المشكلة غير من عندهم.
اتصلت بالسابورت قولتله تعالى اونلاين على الماسينجر. الراجل كتر خيره فى دقيقتين كان معايا على الماسينجر.
سألت فى اى حاجة غيرتها فى الـ dns؟ قال لا, طيب فى اى ارور بالنسبالنا فى اعدادات النت وورك؟ برضه لا!
طيب انت عملت بلوك لجوجل من السيرفر قال لا!!
مع كل كلمة لا كان بيقولها كنت انا بتجنن اكتر
مارديتش اتقل عليه وقولت ادور انا تانى لحد اما اوصل لمشكلة واضحة عشان اقدر اقوله فى مشكلة كذا حلها.
عملت كام سيرش وقريت شوية مقالات حوالى 8 ساعات. واكتشفت ان فعلا فى خطأ فى الـ dns بس بتاع الدومين
يعنى مالهوش علاقة بالإستضافة..
ظبط الأخطاء وكل حاجة بقيت تمام.. بس لسة جوجل شايف فى عفريت فى المنتدى عندنا مش عايز يدخل
كل اللى فات ده كان حجات عادية بمر بيها كتير.. لكن الجديد انى ماباقيتش لاقى حاجة ممكن تكون هى المشكلة
طيب فين المشكلة؟ قولت يمكن جوجل بيتوهم مثلا ومافيش عفاريت عندنا فى المنتدى ولا حاجة.
دخلت على الجروب الخاص بأصحاب المواقع وفتحت توبيك جديد قولت عشان لو المشكلة عند الناس كلها اطمن انا شوية. المهم فتحت الموضوع واستنيت حوالى 3 ساعات عشان اشوف التعليقات.
كل التعليقات اللى جاتلى كلهم محتارين زيى ومش عارفين مصدر المشكلة وبالذات انى قولتلهم انى كلمت الهوست ومافيش مشكلة بالنسباله. كانت ساعتها الساعة وصلت حوالى 5 الفجر ولاقيت نفسى خلاص دماغى وقفت
ولو فضلت قاعد اكتر من كده ممكن ابوظ مش اصلح. قولت ادخل انام واكمل بكرة.
وجيه بكرة ويا سلام على بكرة. كل التعليقات نفس الموضوع وضحولى بس اخطاء اضافية كانت غيبة عنى وصلحتها فى ساعتها ولسة المشكلة موجودة. مع ان كل حاجة بجربها نتائجها بتقول ان مافيش اى سبب ان جوجل مايقدرش يدخل المنتدى
عنها بقة وانا هنا كنت وصلت لمرحلة الأصعب احساس. تخيلوا ان 80% من زوار المنتدى
بيجوا المنتدى عن طريق جوجل بس. وطبعا ده مش مجهود يوم وليلة عشان اوصل لكده
ده مجهود اكتر من 10 شهور و 10 شهور زى دول والواحد بيشتغل بنسبة 70% لوحده بيعدوا كأنهم اربع خمس سنين.
فى اللحظة دى تخيلت ان كل المجهود ده ممكن يضيع فى لحظة دماغى بقيت بتلف.
وكل اما ادخل المنتدى ابص الاقى كل الموجودين اول عن اخر حوالى 12 زائر ومافيش اعضاء غيرى
واحيانا الاقى عضو او اتنين معايا. مش هاوصفلكم الأحساس لكم ان تتخيلوا..
المهم بالصدفة ابو طارق كلمنى على الماسينجر بيقولى المنتدى مش بيفتح ليه؟
قولتله لا بيفتح شغال عندى! قالى لا مش بيفتح عندى. فى اللحظة دى كأن الروح رديت فيا لأنى عرفت ان كده احتمال كبير تبقة المشكلة من السيرفر ودى حاجة مقدور عليها. المهم
قولت لأبو طارق انت عايز حاجة من المنتدى دلوقتى؟ قالى فى موضوع كنت عايز احطه قبل اما ادخل انام
قولتله لا ادخل نام ولما تصحى ابقة حطه براحتك.
وبدأت من تانى اعمل شوية فحص على السيرفر لاقيت ان فعلا فى حجات بدأت تظهر ماكانتش ظاهرة قبل كده
يعنى مثلا لما اجى اعمل فحص للـ headers بأى اداة يقولى الرابط خطا!
فى ساعتها كلمت الهوست وصفتله الموضوع. الراجل متأخرش الموضوع اخدله حوالى ساعتين على بال ماهو خلص حجات كان بيعملها وحللى المشكلة.
بس كده المشكلة اللى اتحلت ان المنتدى رجع يشتغل تانى,, بس فين جوجل؟ جوجل لسة شايف ان فى عفريت عينه بتنور فى المنتدى وخايف يقرب نحيته.
فين على بال ماقدرت اجمع تفكيرى وركزت شوية وراجعت حساباتى تانى
قولت طيب جوجل ايه اللى يمنعه من دخول اى موقع زى منتدانا مثلا..
لاقيت ان مافيش غير هما 3 حجات الـ firewall واخطاء الـ dns و الـ mod_security
بدأت احسبها حاجة حاجة. اولا الـ firewall مش بيعمل بلوك لأى اى بى غير لو الأى بى ده بيعمل فلود على الموقع بشكل كبير (وده مش بيحصل من جوجل). او فى حالة انه الأى بى اتعمله بلوك يدويا. وطبعا على كلام السابورت هو ماعملش بلوك ولا حاجة.
طيب مشاكل الـ dns اللى اتسببت ان الموقع وقع. واتحلت ومافيهاش مشاكل.
يبقة مش ناقص غير المود سيكيورتى وده برضه مش سهل انه يعمل بلوك لجوجل من نفسه الا فى حالة ان شاف ان جوجل بيزور اى موقع على السيرفر بشكل اكبر من العادى (على حسب علمى)
قولت هو بقة مافيش حاجة رابعة فى الموضوع هو المود سيكيورتى الواحد يجرب يعطله ويا صابت يا خابت.
وسبحان الله كأن الغرقان لما اتعلق بقشاية انقذته.
انا عطلته من هنا. والعفريت اللى كان مخوف جوجل طلع يجرى
بس اللى كنت مستغربله. ان المود سيكيورتى موجود على السيرفر من ساعت ماشتغل. ايه اللى جد؟ مع ان الراجل الطيب بتاع السابورت قالى انه ماعملش بلوك لجوجل ولا حاجة.
روحت مكلمه تانى قولتله المود سيكيورتى عامل مشكلة مع جوجل وكل المواقع اللى على السيرفر كده جوجل مش هايدخلها الا لو عملوا زيى وعطلوه. وطبعا غلط اننا نعطله. طب والحل؟
قالى هاشوف الـ logs بتاعته يمكن فيها حاجة غايبة عننا.
دقيقتين وقالى جوجل معموله بلوك من المود سيكيورتى بقاله يومين
طبعا مش هاوصفلكم شعورى هو قال كده وانا اتجننت. يعنى لو كنا اخدنا بالنا من الموضوع ده من اول يوم كنا حلينا الموضوع من اول يوم.
المهم الحمد لله حلينا المشكلة والسيرفر ماباقاش فيه مشاكل مع جوجل.
على اد كل الأفكار الصعبة جدا واللى كانت مضايقانى جدا من اللى حصل ده
الا انى استفدت خبرة اكتر منها
1- قريت مقالات مفيدة عن شوية طرق ممكن تخلى اى حد عنده امكانيات وخبرة كويسة انه يخرب اى سيرفر تانى مش محمى كويس. وطبعا ده مش حال السيرفر عندنا, لكن ده مقال قريته وانا بحاول اعرف الغلط فين.
2- عرفت ان احيانا فى مشاكل فى وقتها وفى ذروتها بتبان مستحيلة انها تتحل مع ان الحل ممكن يكون ابسط مايكون.
3- استفدت جدا لأنى عرفت اد ايه الضيقة والخنقة ممكن تعمى الواحد عن حل المشكلة مع ان الحل ممكن يكون ابسط من الشكل اللى احنا شايفينه واحنا متضايقين او متعصبين.
4- وهو الأهم. انى قدرت استعيد ثقتى بنفسى وقدرت ماخجلش من طلب المساعدة من ايا كان طلامة عجزت عن حل المشكلة بنفسى.
ناقص اخر حاجة بس
التحلية الأخيرة او المرارة الأخيرة.
يادوب ان خلصت من كل الأرهاق اللى كنت فيه وبدأت افوق وعايز ادخل المنتدى وانا مركز شوية
قولت اعمل كوباية شاى. وياريتنى مافكرت فيها.
لاقيت برنامج الطبعة الأولى بيتكلم عن احتلال قاموا بيه الفلسطنين!
فى اللحظات الأولى كنت سعيد جدا. ومرة واحدة نزلت عليا صاعقة ودوش ساقع خلانى عاجز
250 الف فلسطينى احتلوا سينا! واااااااااااااو
يأسوا من انهم يستردوا ارضهم او انهم ياخدوا حقهم من الصهاينة قالوا خلاص نغتصب ارض مصر.
اكتر حاجة زعلتنى
ان انا شخصيا ليا اصحاب كتير فلسطنين عايشين فى مصر وعايشين عيشة ميسرة يمكن اكتر منى انا مع انى مصرى وانا واللى زيى احق بخير بلدى.
وكلم دخلوا مصر لاجئين ومصر رحبت بيهم ولاقوا ترحيب كويس وتوفير اماكن اقامة (مابتحصلش مسألة توفير اماكن الإقامة دى مع المصريين نفسهم, وبتحصل معاهم)
ومع ذلك اول مايأسوا قالوا نضرب فى مصر والمصريين
4 عربيات اسعاف شايلة عساكر وظباط مصريين من على حدود مصر فى سينا جرحى وقتلى على يد فلسطنيين (ياه على القسوة) وعربية شرطة فجروها.
و...... ماردتش اكمل متابعة للموضوع اكتر من كده لأن كان لحد كده كنت تعبت واتنكدت جدا.
بعدها عرفت ان الحكومة المصرية استضافتهم استضافة كويسة ووفرتلهم اماكن للمعيشة مع اهل سينا
وغير المعونات اللى وصلتلهم من اكل وشرب واساسيات للعيشة.
بصراحة رغم كل المساوئ اللى اعرفها عن الحكومة المصرية الا ان موقفها مع الفلسطنيين تفكير عاقل جدا احييهم عليه. لأننا عندنا مشاكل اكبر من كده المفروض نحلها الأول قبل اما نتنازع مع بعض ونقتل فى بعض.
ومع ذلك تفاصيل الموضوع ماقدرتش اكملها ولا اتابعها ولا اتعمق فيها اكتر من كده واكتفيت بالشلل اللى حصلى وانا بسمع الجزء ده..
كده حكيتلكم حوالى 3 ايام كنت شبه مش موجود فيهم فى المنتدى واللى حسيت فيهم ان قلة وجودى فى المنتدى ضعفت نشاطه بشكل ملحوظ. عشان كده حبيت افضفض معاكم شوية وسورى اذا كنت طولت عليكم.
بس وحشتونى
