مسابقة: اسحب واكسب

[Pepo]

بسم الله الرحمن الرحيم
السلام عليكم ورحمة الله وبركاته

صراحة شوفت المسابقة دى فى احد المنتديات وعجبتنى فكرتها
وهى كالتالى

1. اول خمس اعضاء يقروا المشاركة ويحبوا يشاركو ويضيفو رد تبدأ المسابقة
   
2. كل عضو من الخمسة لهم 6 نقاط
   
3. يتم طرح سؤال كل يوم فى ميعاد يتم تحديده بعد اكتمال الخمس اعضاء المشاركين (والأسألة منوعة وليست لها اى حدود, يعنى اسألة فى اى شئ)
   
4. اول عضو من الخمسة يجاوب السؤال صح.. يحق له ان يسحب نقطتين (2) من اى عضو اخر من الأعضاء المتسابقين واضافة النقطتين لحسابه.
   بمعنى
   • محمد وهبة وحسين وهند واحمد الخمسة مشتركين فى المسابقة
     
   • تم طرح اول سؤال ومحمد جاوب اول واحد صح.. وقرر انه يسحب نقطين من هند..
     
   • اذن اصبحت نتيجة السؤال الأول كالتالى
     محمد (8)
     هبة (6)
     حسين (6)
     هند (4)
     احمد (6)
     
   • اظن كده الفكرة اصبحت واضحة اكثر
     
5. اول عضو يوصل لـ 30 نقطة تحتسب له نقطة تمييز. ويتم منحه وسام شرف.
   
6. اول عضو يوصل لـ 0 نقطة يتم اخراجه من المسابقة (طبعا هانواسيه ونقولوا تعيش وتاخد غيرها )
   

فى حالة ان عضو واحد يفوز مرتين (يعنى يوصل مرتين للـ 30 نقطة) يمنح شهادة تقدير
تحت شعار اكثر عضو مثقف بمنتدى الدعم العربى!.

ارجو ان تنال المسابقة رضاكم وتشجيعكم وفى انتظار ردودكم لنبدأ المسابقة

تحياتى